Foto: Qazaqstan temirjoly
2025 jyldyń jazǵy kezeńinde «Jolaýshylar tasymaly» AQ poiyzdarymen 4 millionnan astam jolaýshy jolǵa shyqty. Eń joǵary suranysqa ie baǵyttar qatarynda Astana, Almaty, Shymkent, Semei, Aqtóbe, Túrkistan jáne Alakól qalalary boldy, dep habarlaidy Ult.kz.
Maýsymdyq suranysty qamtamasyz etý úshin 13 qosymsha poiyz uiymdastyryldy. Alakólge baratyn jolaýshylar úshin arnaiy poiyzdar Astana–Dostyq, Almaty–Dostyq, Semei–Shar–Dostyq, Óskemen–Aqtoǵai–Dostyq, Qyzylorda–Dostyq jáne Pavlodar–Dostyq baǵyttarynda iske qosyldy.
Jazǵy maýsymnyń mańyzdy oqiǵalarynyń biri – Burabay Express №888/887 jańa elektr poiyzynyń «Astana – Býrabai Kýrorty» baǵyty boiynsha iske qosylýy boldy. Quram alty vagonnan turady, úsh túrli qyzmet kórsetý klasy usynylǵan: birinshi, «komfort-pliýs» jáne standart. Bul elektrpoiyzda Qazaqstanda alǵash ret joǵary jyldamdyqty Starlink interneti engizilip, jolaýshylarǵa sapar barysynda turaqty bailanys qamtamasyz etildi.
Sonymen qatar, vagon parkin jańartý boiynsha júieli jumys júrgizilýde. Tamyz aiynda halyqaralyq Almaty–Saratov baǵytyna 30 jańa vagonnan quralǵan quram paidalanýǵa berildi. Bul sheshim jolaýshylardyń suranysyn qanaǵattandyryp, halyqaralyq tasymaldarda qyzmet kórsetý sapasyn aitarlyqtai jaqsartty.
2025 jyldyń basynan bastap, onyń ishinde jazǵy kezeńde, 352 myń múmkindigi shekteýli jolaýshy jáne 1,2 millionnan astam bala tasymaldandy. Bul derekter temirjol kóliginiń áleýmettik mańyzdylyǵyn aiqyndaidy.
