فوتو: قازاقستان تەمٸرجولى
2025 جىلدىڭ جازعى كەزەڭٸندە «جولاۋشىلار تاسىمالى» اق پويىزدارىمەن 4 ميلليوننان استام جولاۋشى جولعا شىقتى. ەڭ جوعارى سۇرانىسقا يە باعىتتار قاتارىندا استانا, الماتى, شىمكەنت, سەمەي, اقتٶبە, تٷركٸستان جەنە الاكٶل قالالارى بولدى, دەپ حابارلايدى Ult.kz.
ماۋسىمدىق سۇرانىستى قامتاماسىز ەتۋ ٷشٸن 13 قوسىمشا پويىز ۇيىمداستىرىلدى. الاكٶلگە باراتىن جولاۋشىلار ٷشٸن ارنايى پويىزدار استانا–دوستىق, الماتى–دوستىق, سەمەي–شار–دوستىق, ٶسكەمەن–اقتوعاي–دوستىق, قىزىلوردا–دوستىق جەنە پاۆلودار–دوستىق باعىتتارىندا ٸسكە قوسىلدى.
جازعى ماۋسىمنىڭ ماڭىزدى وقيعالارىنىڭ بٸرٸ – Burabay Express №888/887 جاڭا ەلەكتر پويىزىنىڭ «استانا – بۋراباي كۋرورتى» باعىتى بويىنشا ٸسكە قوسىلۋى بولدى. قۇرام التى ۆاگوننان تۇرادى, ٷش تٷرلٸ قىزمەت كٶرسەتۋ كلاسى ۇسىنىلعان: بٸرٸنشٸ, «كومفورت-پليۋس» جەنە ستاندارت. بۇل ەلەكترپويىزدا قازاقستاندا العاش رەت جوعارى جىلدامدىقتى Starlink ينتەرنەتٸ ەنگٸزٸلٸپ, جولاۋشىلارعا ساپار بارىسىندا تۇراقتى بايلانىس قامتاماسىز ەتٸلدٸ.
سونىمەن قاتار, ۆاگون پاركٸن جاڭارتۋ بويىنشا جٷيەلٸ جۇمىس جٷرگٸزٸلۋدە. تامىز ايىندا حالىقارالىق الماتى–ساراتوۆ باعىتىنا 30 جاڭا ۆاگوننان قۇرالعان قۇرام پايدالانۋعا بەرٸلدٸ. بۇل شەشٸم جولاۋشىلاردىڭ سۇرانىسىن قاناعاتتاندىرىپ, حالىقارالىق تاسىمالداردا قىزمەت كٶرسەتۋ ساپاسىن ايتارلىقتاي جاقسارتتى.
2025 جىلدىڭ باسىنان باستاپ, ونىڭ ٸشٸندە جازعى كەزەڭدە, 352 مىڭ مٷمكٸندٸگٸ شەكتەۋلٸ جولاۋشى جەنە 1,2 ميلليوننان استام بالا تاسىمالداندى. بۇل دەرەكتەر تەمٸرجول كٶلٸگٸنٸڭ ەلەۋمەتتٸك ماڭىزدىلىعىن ايقىندايدى.
