2021 jyly Ulttyq biryńǵai testileýdi ótkizýge 400 mln teńge jumsalady. Bul týraly QR BǴM Ulttyq testileý ortalyǵynyń direktory Didar Smaǵulov málim etti, dep habarlaidy "Ult aqparat".
«Jyl saiyn Ulttyq biryńǵai testileýdi ótkizýde eleýli somada únemdeý bolyp jatyr. Eger ótken jyldarda UBT-ny qaǵaz formatta ótkizýge 1 mlrd teńgege tarta qarajat jumsalsa, al biyl 600 mln teńgeden astam únemdemekpiz. Jalpy, barsha shyǵyn somasyn 400 mln teńgemen jabamyz. Aldaǵy jylda bul soma tómendeteledi. Óitkeni biyl elektrondy formatqa aýysý úshin tiisti shyǵyndar boldy. Endi kelesi jyly qurylǵan júiege qoldaý jasaý men kommýnikatsiia tólemderi ǵana qamtylady. Sondyqtan 2022 jyly shyǵyndar azaiady», - dedi D. Smaǵulov Ortalyq kommýnikatsiialar qyzmetinde.
Taratylǵan málimetke qaraǵanda, memlekettik bilim grantyn taǵaiyndaý konkýrsyna qatysý úshin UBT 15 sáýirde bastalyp, 30 maýsymǵa deiin jalǵasady. Testileý alǵash ret elektrondyq formatta ótedi.
Budan buryn habarlanǵandai, biyl Ulttyq biryńǵai testileý elektrondyq formatta ótedi.
