2021 جىلى ۇلتتىق بٸرىڭعاي تەستٸلەۋدٸ ٶتكٸزۋگە 400 ملن تەڭگە جۇمسالادى. بۇل تۋرالى قر بعم ۇلتتىق تەستٸلەۋ ورتالىعىنىڭ ديرەكتورى ديدار سماعۇلوۆ مەلٸم ەتتٸ, دەپ حابارلايدى "ۇلت اقپارات".
«جىل سايىن ۇلتتىق بٸرىڭعاي تەستٸلەۋدٸ ٶتكٸزۋدە ەلەۋلٸ سومادا ٷنەمدەۋ بولىپ جاتىر. ەگەر ٶتكەن جىلداردا ۇبت-نى قاعاز فورماتتا ٶتكٸزۋگە 1 ملرد تەڭگەگە تارتا قاراجات جۇمسالسا, ال بيىل 600 ملن تەڭگەدەن استام ٷنەمدەمەكپٸز. جالپى, بارشا شىعىن سوماسىن 400 ملن تەڭگەمەن جابامىز. الداعى جىلدا بۇل سوما تٶمەندەتەلەدٸ. ٶيتكەنٸ بيىل ەلەكتروندى فورماتقا اۋىسۋ ٷشٸن تيٸستٸ شىعىندار بولدى. ەندٸ كەلەسٸ جىلى قۇرىلعان جٷيەگە قولداۋ جاساۋ مەن كوممۋنيكاتسييا تٶلەمدەرٸ عانا قامتىلادى. سوندىقتان 2022 جىلى شىعىندار ازايادى», - دەدٸ د. سماعۇلوۆ ورتالىق كوممۋنيكاتسييالار قىزمەتٸندە.
تاراتىلعان مەلٸمەتكە قاراعاندا, مەملەكەتتٸك بٸلٸم گرانتىن تاعايىنداۋ كونكۋرسىنا قاتىسۋ ٷشٸن ۇبت 15 سەۋٸردە باستالىپ, 30 ماۋسىمعا دەيٸن جالعاسادى. تەستٸلەۋ العاش رەت ەلەكتروندىق فورماتتا ٶتەدٸ.
بۇدان بۇرىن حابارلانعانداي, بيىل ۇلتتىق بٸرىڭعاي تەستٸلەۋ ەلەكتروندىق فورماتتا ٶتەدٸ.
