Biyl Ulttyq biryńǵai testileý elektrondy formatta ótedi. Bul týraly QR Bilim jáne ǵylym vitse-ministri Sholpan Karinova aitty, dep habarlaidy "Ult aqparat".
«Bilim jáne ǵylym ministrligi bilim salasyn ary qarai jetildirý boiynsha birqatar jumysty atqarýda. Sonyń ishinde ashyqtyqty, adaldyqty qamtamasyz etetin tsifrlandyrý protsesine kóshkenine biraz ýaqyt boldy. Biyl Ulttyq biryńǵai testileýdi elektrondy formatta ótkizilýi josparlanyp otyr. Ózderińizge belgili 2004 jyldan beri UBT qaǵaz formatta ótkizilip keledi. Bastapqy ýaqytta Ulttyq biryńǵai testileýdi ótkizý ózimen eki fýnktsiiany alyp júrdi. Birinshiden, mektep bitirýge bailanysty qorytyndy attestaý jumystary jáne mektep birtirgendigi jóninde attestat alý úshin, sondai-aq joǵary oqý ornynan túsýge memlekettik granttar konkýrsyna qatysý fýnktsiiasyn alyp júrgen bolatyn», - dep toqtaldy vitse-ministr Ortalyq kommýnikatsiialar qyzmetinde.
Onyń sózine qaraǵanda, qazirgi kezde UBT tek qana joǵary oqý orynyna túsý úshin memlekettik grantty jeńip alý konkýrsyna qatysý tetigi bolyp sanalady.
«Bul - álemdik tájiribe. Barsha álemde osyndai ádispen joǵary oqý oryndaryna testileý júrgizilip keledi», - dedi Karinova.
