Túrkistan oblysy – Qazaqstannyń ońtústigindegi iri ónerkásip ortalyǵy. Ónerkásip kásiporyndary oblystyń ońtústik bóliginde shoǵyrlanǵan. Onda polimetall jáne temir, ýran, fosfor jáne t.b. ken oryndary ornalasqan. Ónerkásiptiń eń damyǵan salalary – óńdeý, taý-ken, munai jáne himiia. Mashina jasaý salasy elektr jabdyqtary men transformatorlardy óndirýge baǵyttalǵan. Túrkistan oblysy ónerkásipti damytý úshin barlyq alǵysharttarǵa ie. Óńirde resýrstarǵa baǵyttalǵan óndiristi odan ári damytýdy qamtamasyz etetin paidaly qazbalardyń edáýir qory bar.
Sonymen qatar óńir Ózbekstan naryǵyna tikelei qol jetkize alady, bul óńirdiń syrtqy ekonomikalyq qyzmetiniń kórsetkishterine oń áser etedi.
Túrkistan oblysynda negizgi ekonomikalyq salalarǵa qatysty aralyq qorytyndylar jasaldy. Óńirde ónerkásiptik ónimdilik kórsetkishteriniń ósýi baiqalady. Biyl óńirde jalpy somasy 12 mlrd teńgeden asatyn 26 investitsiialyq joba iske asyryldy.
Aimaqtyń damýyndaǵy erekshe mańyzdy faktordy kóptegen jumys oryndaryn qurý dep ataýǵa bolady. Eseptik kezeńde jobalardy iske qosýdyń nátijesinde 936 adam jumysqa ornalastyryldy.
Qazaqstandaǵy barlyq jylyjailardyń tórtten úsh bóligi osy Túrkistan oblysynda ornalasqani. Oblystyń aýyl sharýashylyǵy qyzmetinen alynǵan ónim kólemi biyl 8 aida 477 mlrd teńgege jetip, 2021 jyldyń sáikes kezeńindegi kórsetkishten 4%-ǵa asyp tústi. Alqaptardan 3 millionnan astam baqsha, kókónis daqyldary men kartop jinaldy. Sonymen qatar jemshóp daqyldaryn jinaý jospary shamamen 1 mln tonnaǵa asyp tústi.
Túrkistan oblysynyń qurylys salasy da qarqyndy ósim kórsetip otyr. 2022 jylǵy 1 qyrkúiekte óńirde 500 myń sh m turǵyn úi alańy paidalanýǵa berildi, bul kórsetkish byltyrǵy jylmen salystyrǵanda úshten birge artyq. Qurylys jumystaryna jumsalǵan qarjy 169 mlrd teńgeni qurady. 2022 jyldyń sońyna deiin Túrkistan oblysynda jalpy alańy 325 myń sharshy metrden asatyn 85 úidi tapsyrý josparlanýda.
Aita keteiik, jyl basynan beri Túrkistan oblysynyń ekonomikasy 338 mlrd teńge kóleminde investitsiia tartyldy. Jeke investorlar qarajaty esebinen iske asyrylyp jatqan tórt joba iske qosyldy, sonyń arqasynda 128 jumys orny ashyldy. Birqatar ónerkásiptik kásiporyndardy iske qosý kózdelgen. Jaqyn arada óńirde polivinilhlorid, tsement, munai ónimderi, motor maiyn óndirýge mamandanatyn zaýyttar paida bolady.
