2020 jyldyń eki aiy ishinde jalpy uzyndyǵy 682 shaqyrymdy quraityn 4 aqyly jol ýchaskesinen túsken qarajat 643,1 mln teńgeni qurady, dep habarlaidy "Ult aqparat" IIDM baspasóz qyzmetine silteme jasap.
«Qazaqstandyqtar respýblikalyq mańyzy bar «Nur-Sultan – Temirtaý» tasjolymen júrip ótkeni úshin 215,5 mln teńge tólese, «Nur-Sultan – Shýchinsk» tasjolynan túsken qarajat mólsheri 167 mln teńgeni qurady. «Almaty-Qapshaǵai» jolynan 140,1 mln teńge, «Almaty – Qorǵas» jolynan 120 mln teńge jinalǵan», - delingen habarlamada.
Aita ketý kerek, ótken jyly aqyly jol ýchaskelerinen jinalǵan qarajat mólsheri 5,4 mlrd teńgeni qurady. Onyń 3,8 mlrd teńgesi – aqyly joldardy kútip ustaý sharalaryna, 1,6 mlrd teńgesi – tólem alý júiesine qyzmet kórsetý sharalaryna jumsalǵan bolatyn.
Eske salaiyq, 2019 jyldyń jeltoqsanynda investitsiialyq konkýrstyń qorytyndylary boiynsha joldardyń 11 myń shaqyrymynda tólem alý júiesin ornatý jáne ony kútip ustaý týraly qujatqa qol qoiyldy.
Kelisimge sáikes, biyl rekonstrýktsiiadan ótken 5,7 myń shaqyrymdyq joldardyń ýchaskelerinde tólem alý júiesi ornatylady dep josparlanýda. Joldardyń qalǵan 5,3 myń shaqyrymy 2024 jylǵa deiin rekonstrýktsiialaý sharalarynyń aiaqtalý merzimine bailanysty aqyly bolmaq. Osylaisha, júie aqyly joldardyń kútimine jyl saiyn biýdjet qarajatynyń bólinýin boldyrmaidy.
