1 maýsymǵa deiin JOO-lar men kolledjder qujat qabyldaýǵa tolyq daiyn bolýy kerek. Bul týraly QR Bilim jáne ǵylym ministri Ashat Aimaǵambetov onlain konferentsiiada aitty, dep habarlaidy "Ult aqparat".
«Biz qazir qabyldaý komissiiasy úshin elektrondy nusqada kelgen ótinishterdi qalai óńdep, kelgen suraqtarǵa qalai birden jaýap berý týraly oqý kýrstaryn ótkizip jatyrmyz. Biz 1 maýsymǵa deiin JOO men kolledjderdiń osyndai ishki jumystaryn tolyq bitirip, qujat qabyldaýǵa tolyq daiyn bolýymyz kerek», - deidi QR Bilim jáne ǵylym ministri Ashat Aimaǵambetov.
Onyń aitýynsha, qujattardy elektrondy túrde qabyldaý keń qoldanysqa ie.
«Kolledjderde tamaqtaný, jataqhanadan oryn alý máselesi bar. Osyndai qyzmet túrleriniń árqaisysyna bólek-bólek ótinish jazyp, jekelei qujat jinaý kerek bolatyn. Endi abitýrient qujat tapsyrǵannan keiin aqparattyq júieden onyń áleýmettik mártebesi, meken-jaiy kórsetiledi jáne tamaqtaný qyzmeti men jataqhanadan oryn birdenberiledi», - deidi ol.
