1 ماۋسىمعا دەيٸن جوو-لار مەن كوللەدجدەر قۇجات قابىلداۋعا تولىق دايىن بولۋى كەرەك. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ونلاين كونفەرەنتسييادا ايتتى, دەپ حابارلايدى "ۇلت اقپارات".
«بٸز قازٸر قابىلداۋ كوميسسيياسى ٷشٸن ەلەكتروندى نۇسقادا كەلگەن ٶتٸنٸشتەردٸ قالاي ٶڭدەپ, كەلگەن سۇراقتارعا قالاي بٸردەن جاۋاپ بەرۋ تۋرالى وقۋ كۋرستارىن ٶتكٸزٸپ جاتىرمىز. بٸز 1 ماۋسىمعا دەيٸن جوو مەن كوللەدجدەردٸڭ وسىنداي ٸشكٸ جۇمىستارىن تولىق بٸتٸرٸپ, قۇجات قابىلداۋعا تولىق دايىن بولۋىمىز كەرەك», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, قۇجاتتاردى ەلەكتروندى تٷردە قابىلداۋ كەڭ قولدانىسقا يە.
«كوللەدجدەردە تاماقتانۋ, جاتاقحانادان ورىن الۋ مەسەلەسٸ بار. وسىنداي قىزمەت تٷرلەرٸنٸڭ ەرقايسىسىنا بٶلەك-بٶلەك ٶتٸنٸش جازىپ, جەكەلەي قۇجات جيناۋ كەرەك بولاتىن. ەندٸ ابيتۋريەنت قۇجات تاپسىرعاننان كەيٸن اقپاراتتىق جٷيەدەن ونىڭ ەلەۋمەتتٸك مەرتەبەسٸ, مەكەن-جايى كٶرسەتٸلەدٸ جەنە تاماقتانۋ قىزمەتٸ مەن جاتاقحانادان ورىن بٸردەنبەرٸلەدٸ», - دەيدٸ ول.
