Biylǵy oqý jyly Shyǵys Qazaqstanda birinshi synypqa barǵan balalar 4% kóbeiip, sany mektep bitirýshi túlekterden eki esege artqan. Búgin, oblystaǵy 664 kúndizgi bilim berý ordalarynda sol balalarǵa alǵashqy qońyraý soǵyldy, - dep habarlaidy ShQO Aqparattyq ortalyǵy.
ShQO ákimdiginiń baspasóz qyzmetiniń málimetinshe 2016-2017 oqý jyly basynda aimaqta 664 kúndizgi jalpy bilim berý mektepteri jumys istep tur. Onyń 492 orta, 121 negizgi jáne 51 bastaýysh bilim oshaqtary. Al, halyq az shoǵyrlanǵan 382 eldi mekendegi mektep jasyndaǵy 4 666 balanynyń mektepke qatynaýy máselesi de nazardan tys qalmady. Bul balalardyń 80% kúndelikti mektepke tasý úshin 175 avtobýs qarastyrylǵan. 586 bala mektep janyndaǵy internattardy bilim alýda. Al, qalǵan 282 shákirt týǵan- týystarynyń úiinde turyp oqidy.
Bilim kúni oblys basshylyǵy mektepterdegi alǵashqy qońyraý saltanatyna qatysyp, oqý jylyna daiyndyǵyn tekserdi. ShQO ákiminiń orynbasary Jaqsylyq Omar qaladaǵy reitingtik №16 orta mektep pen oblystyq matematika, fizika, informatika salasyndaǵy daryndy balalarǵa arnalǵan mamandandyrylǵan №25 mektep-litseiinde boldy.
– Mektep qai kezde bolsyn, qai qoǵamda bolsyn erekshe bilim ordasy bolyp tabylady. Munda balalar sapaly bilim alý úshin keledi. Bul mektepter byltyr jaqsy bilim kórsetkishin kórsetken. Sebebi, Sizder, bolashaqta Qazaqstannyń bolashaǵy úshin qyzmet etetin jandardy tárbielep jatyrsyzdar. Sondyqtan mektep ujymyna, ustazdarǵa bilim berýde, tárbie berýde biyl da bosańsýǵa bolmaidy,– dep qatań tapsyrdy óz sózinde J. Omar.
Aita ketý kerek, aǵymdaǵy jyly oblystaǵy bilim ordalarynyń sany taǵy bireýge artpaq. Kýrchatov qalasynda úsh aýysymdyq bilim berý máselesin sheshý maqsatynda 600 oryndyq jańa mektep jýyrda paidalanýǵa beriledi.
Ult portaly
