Foto: elements.envato.com
Ǵylym jáne joǵary bilim ministri Saiasat Nurbek biyl Qazaqstanda qandai sheteldik ýniversitetter óz filialdaryn ashatynyn aitty, - dep habarlaidy Tengrinews.kz saity.
Ministrdiń aitýynsha, biyl Qazaqstanda alty sheteldik joǵary oqý ornynyń filialdary ashylady.
"Biyl biz alty filialdy ashamyz. Eń joǵary kórsetkishte - Aqtóbedegi Jubanov joǵary oqý ornynyń bazasynda ornalasqan Heriot-Watt ýniversitetiniń filialy. 20-21 maýsymda Germaniia Federaldyq prezidenti Shtainmaier myrza keledi. Biz Aqtaýǵa baramyz. Yessenov University bazasynda nemis injenerlik institýtynyń negizi qalanyp jatyr. Bul úlken ári qyzyq joba. Qazaqstanda alǵash ret tolyqqandy nemis bilimin alýǵa múmkindik týady", - dedi Saiasat Nurbek.
Ministr Qorqyt ata atyndaǵy Qyzylorda ýniversitetiniń bazasynda Seýl ulttyq ǵylym jáne tehnologiia ýniversitetimen seriktestikte jasandy intellekt mektebi ashylyp jatqanyn atap ótti.
"Bul óte mańyzdy joba. Almatyda Qazaq ulttyq agrarlyq ýniversitetiniń bazasynda Tashkent injener-irrigatsiia institýtynyń filialy ashylyp jatyr. Dýlati atyndaǵy Taraz óńirlik ýniversitetiniń bazasynda Resei ýniversitetiniń filialy ashyldy. Mendeleev atyndaǵy Himiialyq-tehnologiialyq fakýltetiniń ashylýy, bul bizdiń elimizge "Qazfosfatqa" kadrlar daiarlaýǵa jáne jańa ǵylymi-zertteý jumystaryn júrgizýge kómektesetin myqty himiia institýty. Ulytaý óńirinde, Jezqazǵan qalasynda jańa tehnikalyq ýniversitet ashylady. Munda kanadalyq ýniversitetterdiń konsortsiýmymen seriktestik josparlanyp jatyr", - dedi ol.
Sonymen qatar, Saiasat Nurbektiń málimetinshe, biyl Qazaqstanda Kanada ýniversitetteri, eń myqty britandyq tehnikalyq ýniversitet, nemis ýniversitetteriniń konsortsiýmy, Ońtústik Koreianyń úzdik ýniversiteti, Ózbekstannyń eń myqty ulttyq zertteý ýniversiteti jáne Reseidegi jetekshi himiialyq tehnologiia ýniversitetteri keledi.
