Volonterlikti damytýdyń 2021-2023 jyldarǵa arnalǵan Jol kartasy sáýirde qabyldanady. Bul jaiynda Májilis depýtattarynyń saýalyna orai QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«Memleket basshysy Qasym-Jomart Kemeluly Toqaevtyń bastamasymen jariialanǵan Volonter jyly elimizdegi volonterlik qozǵalystyń damýyna jańa serpin berdi. Júrgizilgen jumystar nátijesinde volonterlik uiymdar men toptardyń sany 600-den asyp, volonterler 200 myńǵa jetti. Pandemiia jaǵdaiynda volonterler 1 millionnan astam muqtaj jandarǵa kómek kórsetýge atsalysty», - dedi Úkimet basshysynyń orynbasary.
Onyń atap ótýinshe, volonterlik uiymdar júieli túrde damytylyp, olardyń jumysyn úilestirý úshin barlyq óńirlerde jáne respýblikalyq deńgeide arnaiy frontofister iske qosyldy. Volonter jylyn ótkizýge arnalǵan jalpyulttyq is-sharalar jospary aiasynda 8 myńnan astam volonter arnai oqý kýrstary men seminar-treningterden ótti.
«Qazirgi tańda Volonterlikti damytýdyń 2021-2023 jyldarǵa arnalǵan Jol kartasy (ári qarai – Jol kartasy) ázirlenýde. Qujat memlekettik organdarmen kelisilýde jáne osy jyldyń sáýir aiynda qabyldanatyn bolady. Jol kartasynda depýtattyq saýalda aitylǵan usynystar tolyq qamtylǵan. Atap aitqanda, Jol kartasyna sáikes Volonterlik qyzmetti qoldaý standarty volonterler qyzmetin úilestirýshi front-ofisterdiń, sarapshylardyń qatysýymen ázirlenedi jáne onda volonterlerdi uiymdastyrýshylyq, quqyqtyq, ádistemelik jáne aqparattyq qoldaý tetikteri qarastyrylatyn bolady», - dedi Eraly Toǵjanov.
Sonymen qatar, ol volonterlik qyzmet pen qaiyrymdylyqty qoldaý tetikterin jetildirýge baǵyttalǵan zań jobasy ázirlenip jatqanyn aitady.
«Onyń aiasynda volonterlik salasyndaǵy ýákiletti organǵa Volonterlik qyzmetti qoldaý standartyn qabyldaý quzyrettiligi beriledi. Zań jobasy osy jyldyń qyrkúiek aiynda Parlament Májilisiniń qaraýyna engiziledi. Jol kartasynda barlyq bilim berý uiymdarynda volonterlik jáne qaiyrymdylyq qyzmet negizderi boiynsha oqý taqyryptary men fakýltativtik saǵattaryn engizý qarastyrylǵan», - dedi Premer-Ministrdiń orynbasary.
