© Photo : Pixabay / Free-Photos
Biyl Respýblika kúni toilanady. Bul týraly mádeniet jáne sport vitse-ministri Nurǵisa Dáýeshev málimdedi, dep habarlaidy Sputnik Qazaqstan.
Vitse-ministrdiń aitýynsha, biyl ulttyq meiramdy toilaý úshin biýdjetten qosymsha qarjy bólýdiń qajeti joq.
"2022 jylǵa bólingen biýdjet qarajaty esebinen merekelik sharalar ótkiziledi. 16 jeltoqsan – Táýelsizdik kúni bar, ia bolmasa, jyl ishindegi sharalardy Respýblika kúni uiymdastyrý josparlanyp otyr. Negizgi mereke elordadaǵy "Astana Opera" teatrynda bastalady", - dedi Dáýeshev Senattyń jalpy otyrysynda.
Respýblika boiynsha halyqaralyq sharalar da ótkiziledi. Jaqyn arada 25 qazanda ótetin merekelik sharalardyń josary ázirlenedi.
Aita keteri, búgin sentorlar Respýblika kúnin qaitarýǵa arnalǵan zańdy qabyldady. Prezident osy qujatqa qol qoiǵannan keiin qazaqstandyqtar qaitadan 25 qazandy atap ótedi. Ol kúni resmi demalys bolady.
2009 jyly burynǵy prezident Nursultan Nazarbaevtyń bastamasymen 25 qazan – Respýblika kúni resmi merekeler tiziminen shyǵarylǵan bolatyn. Al Memleket basshysy Qasym-Jomart Toqaev 2022 jyly 16 maýsymda Ulttyq quryltaidyń otyrysynda burynǵy merekeni qaitarý qajettigin málimdedi. Sebebi dál sol kúni 1990 jyly Qazaqstannyń egemendigi týraly deklaratsiia qabyldandy.
