Bul týraly Ortalyq kommýnikatsiialar qyzmeti alańynda ótken biylǵy Ramazan aiyna qatysty málimetter boiynsha baspasóz konferentsiiasynda aityldy, dep habarlaidy QazAqparat.
«Elimizdegi tótenshe jaǵdaiǵa bailanysty Ramazan aiynda beriletin pitir sadaqa men zeketti mobildi qosymshalar arqyly aýdarýǵa bolady. Biz onlain júiede sadaqa berýdiń ońtaily jolyn tańdadyq. Musylman qaýymy saýaptar eselenip jazylatyn qasietti aida muqtaj otbasylarǵa zeket pen sadaqa berip, halyqtyń batasyn alyp, alǵysqa bólenedi», - deidi QMBD tóraǵasynyń orynbasary, naib múfti Ershat Ońǵarov.
Ol biyl Ramazan aiy 24 sáýirde bastalatynyn aitty.
«Osy rette Ramazan aiynda beriletin pitir sadaqa men zeketti Kaspii bank, Halyq banki jáne Kivi mobildi qosymshalary arqyly aýdarýǵa bolady. Qazirgi tańda basqa da banktermen kelissózder júrgizilip jatyr. QMDB belgili bir bankti jarnamalamaidy, alaida tótenshe jaǵdaida úiden shyqpai sadaqa berýdiń osyndai jolyn tańdap otyrmyz. Mobildi qosymshalarǵa ár oblys pen respýblikalyq mańyzy bar qalalardaǵy ortalyq meshittiń esepshottary engizildi. Ár azamat óz óńirindegi meshittiń esepshotyna pitir sadaqasy men zeketin úiden shyqpai onlain rejimde aýdara alady. QMDB-nyń tóralqa sheshimi boiynsha, biyl bir adam atynan beriletin pitir sadaqa mólsheri - 470 teńge dep bekitildi. Pitir sadaqa quny eki keli unnyń respýblika boiynsha eseptegende naryqtyq ortasha baǵasymen shyǵaryldy. Materialdyq jaǵdaiy bar azamattar pitir sadaqany meiiz nemese qurma qunymen de berse bolady», - deidi ol.
