Petropavlda biyl 210 myń sharshy metr baspana salynyp, paidalanýǵa beriledi. Sonyń jartysynan astamy – biýdjettik úi, dep habarlaidy "Ult aqparat".
Petropavl qalalyq ákimdiginiń málimetinshe, jyl sońyna deiin jalpy aýmaǵy 33,6 myń sharshy metr bolatyn 10 kommertsiialyq úidiń qurylysy aiaqtalady. Sondai-aq 113,8 myń sharshy metrdi alatyn jáne 1533 páteri bar 22 biýdjettik baspana paidalanýǵa beriledi. Onyń qataryna taǵy 32,6 myń sharshy metrlik 4 baspana qosylmaq.
Jeke turǵyn úi qurylysy boiynsha biyl 30 myń sharshy metrdi salý josparda bar. Bul maqsatqa bir jylǵa 27,9 mlrd teńge jumsalmaq.
«Nurly jer» memlekettik baǵdarlamasyn júzege asyrý biyl úsh baǵyt boiynsha júrgiziledi.
Satyp alý múmkindiginsiz beriletin áleýmettik jalǵa beriletin baspana. Petropavlda biyl osyndai 556 páter halyqtyń áleýmettik turǵydan osal toptaryna paidalanýǵa beriledi. 128 páterlik eki úi Sennaia kóshesinde jáne 100 páterlik úsh úi Bereke yqsham aýdanynda salynyp jatyr.
Áleýmettik nesielik baspanalar Jambyl kóshesinde salynyp jatyr. 108 páterlik eki úide bir sharshy metrdiń quny - 160 myń teńge. Olardyń bireýinen 1 mamyrǵa deiin 95 páter satyldy. 29 naýryzdan bastap «Otbasy bank» AQ ekinshi úiden páterlerdi úlestire bastady. Salynyp jatqan 108 páterlik úshinshi úi de «Shańyraq» baǵdarlamasy boiynsha satylady. Osylaisha qalalyq ákimdikte páterge kezekte turǵan 324 adam baspanaly bolmaq.
Úshinshi baǵyty – jeke turǵyn úi qurylysy. Qazirgi ýaqytta Solnechnyi-2 shaǵyn aýdanynda salynyp jatyr. 1 mamyrǵa deiin satyp alýshylar I úlgidegi 72 úidiń barlyǵyn brondady. Biyl II úlgidegi 13 úidiń de qurylysy aiaqtalmaqshy. Olar salynyp bolǵannan keiin ǵana satylymǵa shyǵarylady.
