Biyl para alǵan 16 politsiia qyzmetkeri ustaldy. Bul týraly elordada ótken baspasóz máslihatynda QR IIM Ózindik qaýipsizdik departamentiniń basshysy Arman Sadanov málim etti, dep habarlaidy "Ult aqparat".
«2020 jyldyń basynan beri 16 politsiia qyzmetkeri para alǵany úshin ustaldy. Ustalǵandardyń arasynda jol-patrýldik politsiiasynyń qyzmetshileri, tergeýshiler, sondai-aq QAJ komiteti quramyndaǵy mekemelerdiń ókilder bar. Statistikalyq aqparatqa qaraǵanda, ár óńirde bir adamnan anyqtaldy. Biyl Almaty, Atyraý, Jambyl, Qaraǵandy, Qostanai, Qyzylorda oblystarynda osyndai oqiǵalar tirkelmedi. Alǵan paranyń eń joǵary somasy 100 myń teńgeni qurady. Al keshe Petropavlda eki mln teńge somasynda politseidiń para alý kúdigine ilikkeni belgili boldy», - dedi departament basshysy.
Sonymen qatar ol kólikke mas kúiinde otyrǵan politseiler týraly aityp berdi.
«Osy jyly mas kúiinde kólikti basqarǵan 18 qyzmetshi anyqtaldy. Olardyń, árqaisysy 7 jylǵa óziniń kýáliginen aiyrylady, 15 táýlikke qamalady, sondai-aq mindetti túrde qyzmetinen bosatylady», - dedi A. Sadanov.
Budan buryn habarlanǵandai, SQO-da tergeýshi 2 mln teńge para aldy degen kúdikke ilindi.
