Búgin Aqordada ótip jatqan Úkimettiń keńeitilgen otyrysynda Soltústik Qazaqstan oblysynyń ákimi Erik Sultanov Elbasynyń tapsyrmasyna sáikes Ońtústikten 700 otbasy kóshetinin aitty, dep habarlaidy Baq.kz tilshisi.
QR Densaýyq saqtaý jáne áleýmettik damý ministri Tamara Dúisenova Soltústikke kóship jatqan jastarǵa "Jumyspen qamtý" baǵdarlamasy arqyly kómektesip jatqandaryn jetkizdi.
«Soltústik Qazaqstannyń barlyq aýdandarynyń ákimderi Ońtústikke baryp, jármeńke ótkizip, mamandardy tańdap aldy. Qazir solardy jumysqa turǵyzyp jatyr. Al jastardy QR Bilim jáne ǵylym ministrligi qosymsha jiberip jatyr. Biyldyń ózinde 3000 jasty Soltústik Qazaqstanǵa oqýǵa jiberdi. Al bizdiń ministrlik "Jumyspen qamtý" baǵdarlamasy arqyly qarajatyn berip jatyrmyz. Al, Bilim jáne ǵylym ministrligi jastardy oqýǵa túsirý máselesin sheshýde», - deidi Tamara Dúisenova.
Prezident bos turǵan litseilerge balalardy kóbeitip, kásiptik bilim berýdi qolǵa alýdy ákimge tapsyrdy.
«Másele mynandai. Eger mamandyǵy bolmasa ol jastar qalmaidy. Qazir litseilerdiń bári bos bolyp tur. Soǵan balalardy aparyp, 1,5 jyldyń ishinde oqytýymyz kerek. Birinshi mamandyqty tegin beremiz dep jariialadyq. Sondyqtan jastardyń tegin mamandyq alyp, óndiriske turýyna kómektesý kerek. Bul úrdis Pavlodar, ShQO, BQO, Aqmolada jalǵasýy tiis. Sol kezde balalar sonda jumys istep qalady», -dedi Elbasy.
Soltústik Qazaqstan oblysynyń ákimi memleket basshysynyń tapsyrmasyna sáikes jumystar istelip jatqanyn aitty.
«Jospar boiynsha Soltústik Qazaqstan oblysyna 101 otbasyn kóshirý bolǵan. Degenmen 111 otbasy kóship keldi. Endi Ońtústik Qazaqstannan biyldyń ózinde 700 otbasy kóship kelmekshi», - deidi Erik Sultanov.
.jpeg)