بٷگٸن اقوردادا ٶتٸپ جاتقان ٷكٸمەتتٸڭ كەڭەيتٸلگەن وتىرىسىندا سولتٷستٸك قازاقستان وبلىسىنىڭ ەكٸمٸ ەرٸك سۇلتانوۆ ەلباسىنىڭ تاپسىرماسىنا سەيكەس وڭتٷستٸكتەن 700 وتباسى كٶشەتٸنٸن ايتتى, دەپ حابارلايدى Baq.kz تٸلشٸسٸ.
قر دەنساۋىق ساقتاۋ جەنە ەلەۋمەتتٸك دامۋ مينيسترٸ تامارا دٷيسەنوۆا سولتٷستٸككە كٶشٸپ جاتقان جاستارعا "جۇمىسپەن قامتۋ" باعدارلاماسى ارقىلى كٶمەكتەسٸپ جاتقاندارىن جەتكٸزدٸ.
«سولتٷستٸك قازاقستاننىڭ بارلىق اۋداندارىنىڭ ەكٸمدەرٸ وڭتٷستٸككە بارىپ, جەرمەڭكە ٶتكٸزٸپ, مامانداردى تاڭداپ الدى. قازٸر سولاردى جۇمىسقا تۇرعىزىپ جاتىر. ال جاستاردى قر بٸلٸم جەنە عىلىم مينيسترلٸگٸ قوسىمشا جٸبەرٸپ جاتىر. بيىلدىڭ ٶزٸندە 3000 جاستى سولتٷستٸك قازاقستانعا وقۋعا جٸبەردٸ. ال بٸزدٸڭ مينيسترلٸك "جۇمىسپەن قامتۋ" باعدارلاماسى ارقىلى قاراجاتىن بەرٸپ جاتىرمىز. ال, بٸلٸم جەنە عىلىم مينيسترلٸگٸ جاستاردى وقۋعا تٷسٸرۋ مەسەلەسٸن شەشۋدە», - دەيدٸ تامارا دٷيسەنوۆا.
پرەزيدەنت بوس تۇرعان ليتسەيلەرگە بالالاردى كٶبەيتٸپ, كەسٸپتٸك بٸلٸم بەرۋدٸ قولعا الۋدى ەكٸمگە تاپسىردى.
«مەسەلە مىنانداي. ەگەر ماماندىعى بولماسا ول جاستار قالمايدى. قازٸر ليتسەيلەردٸڭ بەرٸ بوس بولىپ تۇر. سوعان بالالاردى اپارىپ, 1,5 جىلدىڭ ٸشٸندە وقىتۋىمىز كەرەك. بٸرٸنشٸ ماماندىقتى تەگٸن بەرەمٸز دەپ جارييالادىق. سوندىقتان جاستاردىڭ تەگٸن ماماندىق الىپ, ٶندٸرٸسكە تۇرۋىنا كٶمەكتەسۋ كەرەك. بۇل ٷردٸس پاۆلودار, شقو, بقو, اقمولادا جالعاسۋى تيٸس. سول كەزدە بالالار سوندا جۇمىس ٸستەپ قالادى», -دەدٸ ەلباسى.
سولتٷستٸك قازاقستان وبلىسىنىڭ ەكٸمٸ مەملەكەت باسشىسىنىڭ تاپسىرماسىنا سەيكەس جۇمىستار ٸستەلٸپ جاتقانىن ايتتى.
«جوسپار بويىنشا سولتٷستٸك قازاقستان وبلىسىنا 101 وتباسىن كٶشٸرۋ بولعان. دەگەنمەن 111 وتباسى كٶشٸپ كەلدٸ. ەندٸ وڭتٷستٸك قازاقستاننان بيىلدىڭ ٶزٸندە 700 وتباسى كٶشٸپ كەلمەكشٸ», - دەيدٸ ەرٸك سۇلتانوۆ.
.jpeg)