Eńbek, áleýmettik qorǵaý jáne kóshi-qon komitetiniń deregi boiynsha, 2021 jyldyń qańtar-naýryz ailarynda óndiristegi jazataiym oqiǵalardyń saldarynan 310 adam zardap shekti, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Bul rette oqys oqiǵalar saldarynan qaza tapqandardyń sany tórtten birge qysqardy: aǵymdaǵy jyly – 38 adam, al 2020 jyldyń I toqsanynda – 51 adam.
Óndiristik jaraqattanýdyń joǵary deńgeii Qaraǵandy (65 adam zardap shekti), Shyǵys Qazaqstan (34 adam), Aqtóbe (29 adam), Qyzylorda (22 adam), Qostanai (21 adam), Túrkistan (18 adam) jáne Batys Qazaqstan (17 adam) oblystarynda saqtalýda.
Birqatar óńirde I toqsanda óndiristegi jazataiym oqiǵalar saldarynan zardap shekkender sany Aqtóbe oblysynda 25-ten 29 adamǵa deiin, Atyraý oblysynda 6-dan 10 adamǵa deiin, Qyzylorda oblysynda 14-ten 22 adamǵa deiin jáne Pavlodar oblysynda 13-ten 15 adamǵa deiin ósti.
Jazataiym oqiǵalar saldarynan qaza bolǵandar sany 2020 jyldyń uqsas kezeńimen salystyrǵanda Aqtóbe (4-ten 7 adamǵa deiin), Jambyl (2-den 4 adamǵa deiin), Qyzylorda (3-ten 6 adamǵa deiin), Batys Qazaqstan (2-den 3 adamǵa deiin) oblystarynda kóbeidi.
