137 qazaqstandyq UBT-daǵy videolardy teksergennen keiin grantynan aiyryldy. Bul týraly Ulttyq testileý ortalyǵynyń direktory Rýslan Emelbaev málimdedi, - dep habarlaidy "Ult aqparat".
"Dostar, UBT-2022 aiaqtaldy, biraq onyń beinejazbalaryn tekserý áli de jalǵasyp jatyr!
Qazirgi tańda beinejazbalardy qaita qaraý qorytyndysy boiynsha 153 testilenýshiniń UBT nátijeleri joiyldy, olardyń 137-si - bilim berý grantynyń iegerleri. Tiisti sharalardy qabyldap, ereje buzýshylardyń grant týraly kýálikterin jaramsyz dep tanydyq. Atalǵan faktiler boiynsha UTO qyzmetkerlerine qatysty qyzmettik tekserister júrgizilip, jumystardyń odan ári jalǵasýy úshin tiisti memlekettik organdarǵa hattar joldanyp jatyr.
Ǵylym jáne joǵary bilim forýmynda aitylǵandai, Ministrlik ashyqtyq qaǵidattaryn ustana otyryp, akademiialyq adaldyqty saqtaýǵa erekshe kóńil bóledi. Sondyqtan bizdiń mindetimiz - talapkerler arasynda adaldyq, parasattylyq jáne ádildik qaǵidattaryn qalyptastyrý" - dep jazdy Emelbaev.
Onyń aitýynsha, biyl 327 túlek testileýge kirgizý kezinde tyiym salynǵan zattardy alyp ótý áreketi saldarynan UBT tapsyrý múmkindiginen aiyrylǵan. Sondai-aq, erejelerdi buzǵany úshin testileý kezinde aýditoriiadan 322 adam shyǵarylǵan.
