Biylǵy oqý jylynan bastap informatika páni 3-synyptan bastap oqytylady. Bul týraly búgingi Úkimet otyrysynda QR Bilim jáne ǵylym ministri Erlan Saǵadiev málimdedi, dep habarlaidy Baq.kz tilshisi.
«Bilimdi tsifrlandyrý týraly jańa is-sharalar qoiyldy. Eń birinshi, búkil álem elderi siiaqty informatikany erte oqytý. Mysaly informatika 2017 jyly 7-synyptan bastalsa, 2014 jyly 5-synyptan bastalǵan. Al osy oqý jylynan bastap úshinshi synyptan bastalady, bul bir», - dedi ministr.
Onyń aitýynsha, 5-ten 11-synypqa deiingi baǵdarlamalar jańartylady.
«Onyń ishinde baǵdarlamalaý tilderin qarastyryp jatyrmyz. Eski tilderdi shyǵaryp, jańa baǵdarlamalaý tilderin engizý týraly usynys bar. Ol jumys endi bastaldy», - dedi ol.
Sonymen birge ministr mektepterdegi tsifrlyq bilim berý resýrstaryn qoldaný deńgeiin kóterýdi maqsat etip otyr.
