Foto: kp.ru
Biyl 1 qyrkúiek jeksenbige sáikes kelip tur. Sonda da alǵashqy qońyraý saltanatty sharasy dástúrge sai 1 qyrkúiekte ótedi. Bul týraly Oqý-aǵartý ministri Ǵani Beisembaev úkimet otyrysynan keiin ótken baspasóz jiynynda aitty.
Úkimet otyrysynan keiin ótken baspasóz jiynynda BAQ ókilderiniń saýalyna jaýap bergen Oqý-aǵartý ministri biyl alǵashqy qońyraý qai kúni ótetinin málim etti.
"1 qyrkúiek – simvolikalyq máni bar kún. Sol úshin alǵashqy qońyraý saltanaty jeksenbi bolsa da, 1 qyrkúiekte ótedi. Buǵan deiingi barlyq ýaqytta saltanatty jiyn dál osy kúni ótken. Biyl da eshteńe ózgermeidi", - dedi ministr.
Sondai-aq jýrnalister 1 qyrkúiekti ata-analar balasynyń qasynda bolýy úshin kúntizbede merekelik kún etip belgileýge qatysty surady.
"Biz mundai ideiany usynyp kóremiz. Negizi jaqsy ideia eken",- dedi Ǵani Beisembaev.
