Biyl magistratýra grantynyń iegerleri keshendi testileý arqyly anyqtalady. Testileý barysyn qoǵamdyq uiym ókilderi onlain rejimde baqylai alady, dep habarlaidy QazAqparat tilshisi.
QR Sybailas jemqorlyqqa qarsy is-qimyl agenttiginde magistratýra jáne kásibi-tehnikalyq bilim berý granttaryna úmitker qabyldaý rásimderiniń ashyqtyǵyn qamtamasyz etý boiynsha seminar ótti. Agenttiktiń Parasattylyq departamentiniń direktory Daniiar Sabyrbaev biylǵy UBT testileý júiesi áli tolyq jetilmegenin kórsetip bergenin aita kelip, magistratýra emtihanynda sol kemshilikterdiń qaitalanbaýyna kúsh salynatynyn atady.
«20-30 shildede UBT ótkenin bilesizder. Test tapsyrǵan 110 myń túlekten jalpy sany 90 myń uialy telefon, 28 myń kalkýliator, 2000 shpargalka alyndy. Mundai bassyzdyq bolashaqta keri áserin berýi múmkin. Sondyqtan, osyǵan uqsas jaittardyń jolyn ýaqtyly kesip otyrý qajet. Biyl testileý protsesin baqylaý komissiiasynyń músheleri de tártip buzǵan faktiler tirkeldi. Birqatar óńirlerde laýazymdy tulǵalar jemqorlyq boiynsha ustaldy. Bul aitylǵannyń bárin bilim berý júiesindegi jemqorlyq táýekelderdiń naqty dáleli deýge bolady. Muny qoǵamdyq uiym ókilderin qatystyra otyryp, azamattyq qaýymdastyqtyń aralsýymen joiýǵa bet burdyq», - dedi agenttik ókili.
Biyl osy maqsatta magistratýraǵa úmitkerlerdi qabyldaý formaty ózgertilip otyr.
«Magistratýraǵa grant bólý protsesiniń ádildigi men ashyqtyǵyn qamtamasyz etý úshin QR Sybailas jemqorlyqqa qarsy is-qimyl agenttiginiń usynysy boiynsha emtihan testileý negizinde uiymdastyrylady. Kásibi-tehnikalyq bilim berý oryndaryna qabyldaý jáne magistratýraǵa túsý emtihandaryna agenttik janyndaǵy arnaiy monitoring tobynyń músheleri men «Adaldyq alańy» keńselik jobasynyń ókilderi, qoǵamdyq uiym músheleri qatystyrylady. Olar emtihanǵa ruqsat etilmegen quraldardy alyp kirý, úmitkerdiń ornyna basqa adam kirgizý siiaqty zańsyzdyqtardyń jolyn kesetin bolady. Agenttik grant bóler kezde «ymyrashyldardyń» belsendilik tanytýyna jol bermeidi. Qoǵamdyq uiym ókilderi testileý protsesin ornalain-rejimde baqylaityn bolady. Sol úshin barlyq testileý ortalyqtaryna beinekameralar ornatylady», - dedi Daniiar Sabyrbaev.
Onyń aitýynsha biyl magistratýraǵa bólingen 13 myń grantqa 30 myń adam úmitker kóz tigip otyr.
«Joǵaryda atalǵalǵan baqylaýshylardan bólek QR Bilim jáne ǵylym ministrliginen 200-dei adam baqylaýshy retinde qatysady. Barlyq óńirlerdegi sybailas jemqorlyqqa qarsy is-qimyl qyzmetiniń ókilderin jer-jerdegi komissiialardyń jumysyn baqylaýǵa alý kerektigin eskertkim keledi. Dál osyndai jumys kásibi-tehnikalyq bilim erý mekemelerinde de uiymdastyrylatyn bolady», - dedi Daniiar Sabyrbaev.
