Bilim jáne ǵylym ministrligi magistratýraǵa túsetin úmitkerlerge arnalǵan aqparatty jariialady, dep habarlaidy "Ult aqparat".
Vedomstvonyń málimetinshe, magistratýraǵa oqýǵa túsý úshin qujat qabyldaý 19 shildede aiaqtalǵan. Biyl 38 myńnan astam adam keshendi testileý tapsyrýǵa niet bildirdi.
2019 jyly magistratýraǵa túsýge tilek bildirýshiler sany 30 579 bolǵan edi.
13 300 azamat magistratýrada eńbek naryǵynda suranysqa ie baǵyttar boiynsha memleket qarajaty esebinen oqi alady.
Al keshendi testileý 17 tamyzda bastalady.
Keshendi testileý kompiýterlik formatta bolady.
Ár qatysýshy úshin testileý derbes ótedi. Testilenýshiler suraqtardy ótkizip jiberip, aldyńǵy suraqtarǵa qaita orala alady jáne jaýap nusqalaryn ózgerte alady. Testileý aiaqtalǵan soń 30 minýt ishinde appeliatsiiaǵa tapsyrýǵa bolady.
Testileý ýaqyty - 3 saǵat 55 minýt, tapsyrmalar sany - 130 bolady.
Testileýden ótý ýaqyty men orny týraly aqparat Sizdiń jeke kabinetińizge jiberiledi (QR BǴM ulttyq testileý ortalyǵynyń saitynda).
