Qytai biligi 2021 jyly ulttyq qorǵanysqa jumsalatyn shyǵyndy 6,8%-ǵa, iaǵni 1,355 trln iýanǵa deiin (shamamen 209 mlrd jollar) arttyrýdy josparlap otyr. Bul týraly biylǵy jylǵa arnalǵan ortalyq jáne jergilikti biýdjet baiandamasynyń jobasynda aitylǵan, dep habarlaidy "Ult aqparat".
«Ulttyq qorǵanysqa jumsalatyn shyǵyn 1,355 trillion iýanǵa jetip, 6,8%-ǵa ósedi», - delingen baiandamada.
Eske sala keteiik, 2020 jyly QHR-dyń qorǵanys biýdjeti 6,6%-ǵa (1,26 trln iýanǵa deiin), al 2019 jyly 7,5%-ǵa (1,19 trln iýanǵa deiin) ulǵaiǵan bolatyn.
Bul rette 2021 jyly syrtqy saiasi qyzmetke jumsalatyn shyǵyndar 1,9% -ǵa, iaǵni 50,414 milliard iýanǵa (shamamen 7,76 milliard dollar) deiin azaiady, al qoǵamdyq qaýipsizdikti qamtamasyz etýge arnalǵan shyǵyndar 0,7% -ǵa, iaǵni 185,092 milliard iýanǵa (shamamen 28,5 milliard dollar) deiin ósedi.
Jalpy alǵanda, ortalyq biýdjettiń jeke shyǵyndary 3,5 trln iýandy (shamamen 539 mlrd dollar) quraidy, bul kórsetkish ekinshi jyl qatarynan 0,2%-ǵa tómendegen.
Buǵan deiin Beijińde 13-shi sailanǵan Búkilqytailyq Halyq Ókilderi Jinalysynyń (BHÓJ, parlament) tórtinshi sessiiasy ashylǵany habarlanǵan bolatyn.
