Elbasy Nursultan Nazarbaevtyń «Nur Otan» partiiasynyń saiasi keńesi biýrosynyń otyrysynda bergen tapsyrmasy boiynsha elimizde kem degende 373 myń jańa jumys orny ashylý kerek. Bul týraly búgin úkimettegi baspasóz májilisinde QR premer-ministriniń orynbasary Berdibek Saparbaev aitty.
«Ózderińiz jaqsy bilesizder, biyl qazaqstandyqtardyń jalaqysy eki ese ósti. Eseptep qaraityn bolsaq, jalpy 3 mln-nan astam azamattyń jalaqysy 15-ten 30 %-ǵa deiin kóbeitildi. Eń úlken berilgen tapsyrma – qazaqstandyqtardy jumyspen qamtý, jańa jumys oryndaryn ashý. Qazirgi bizdiń memleketimizde júzege asyrylyp jatqan 14 memlekettik baǵdarlama arqyly biz osy tapsyrmalardy oryndaý baǵytynda jumys júrgizip jatyrmyz. biylǵy tapsyrma boiynsha elimizde kem degende 373 myń jańa jumys orny ashylý kerek», - deidi Berdibek Saparbaev.
Onyń aitýynsha, 7 aidyń qorytyndysy boiynsha tapsyrmanyń 60 %-y oryndalǵan. Onyń ishinde 150 myńnan astamy – naqty jumystar.
«Buǵan qosymsha qazirgi tańda suranys joq mamandyq ielerine suranysqa ie bolǵan mamandyqty oqytý úshin qysqa merzimdegi kýrstar uiymdastyrylǵan. Sizder bilesizder, memleketimizde «Eńbek» baǵdarlamasy sheńberinde «Bastaý», «Jas maman», «Jas kásipker» jobalary júzege asyrylyp jatyr. Mikronesielik granttar, oǵan qosymsha Elbasynyń áleýmettik qamqorlyq sharalaryna sáikes, qosymsha taǵy 15 myń grant berildi. Sonyń nátijesinde jastar ózderiniń kásipterin ashyp, turmystaryn jaqsartty. Bul sharalardy júzege asyrý úshin sońǵy naqtylanǵan biýdjet boiynsha 32 mlrd teńge bólindi», - dedi premer-ministrdiń orynbasary.
