Biyl qazanda ótetin Ulttyq halyq sanaǵy eki kezeńnen turady. Bul týraly QR Ulttyq ekonomika ministrligi Statistika komitetiniń tóraǵasy Nurbolat Aidapkelov aitty, dep habarlaidy "Ult aqparat".
«2020 jyly Qazaqstan Respýblikasynyń Ulttyq halyq sanaǵyn ótkizý ýaqyty men kezeńi
Halyq sanaǵy shartty eki kezeńnen turady. Daiyndyq kezeńi 1-30 maýsym aralyǵynda bolady. Bul kezeńde interviýerler úilerdi aralap, onda turatyn turǵyndardyń naqty sanyn anyqtaidy. Osy kezeńde sanaqty aýdandarǵa bólý daiyndyq júrgiziledi, - deidi Nurbolat Aidapkelov Ortalyq kommýnikatsiialar qyzmetinde ótken baspasóz konferentsiiasynda.
Ol sanaqty aýdandarǵa bólýdegen óńirdegi árbir eldi mekenniń aýmaǵyn sanaqty ótkizý úshin nusqaýshylyq jáne eseptik ýchaskelerge bólý ekenin aitty.
Ekinshi, iaǵni negizgi kezeń 1-30 qazan aralyǵynda bolady. Qazan aiynyń 1 men 15 aralyǵynda, iaǵni tikelei halyq sanaǵynyń alǵashqy 15 kúninde internet-saýalnama júrgiziledi. Internet-saýalnamada respondentter ózine jáne otbasy múshelerine Internet jelisi arqyly sanaq.gov.kz arnaiy saitynda sanaq paraqtaryn óz betinshe toltyrady. Sonymen birge, saitta respondentterge arnalǵan túsindirmeler men arnaiy virtýaldy kómekshi de bar. Internet-saýalnamamen qatar 1-30 qazan aralyǵynda interviýerler jappai saýalnama júrgizedi. Saýalnama jaýaptary planshetke engiziledi. Internet arqyly málimetter bergen respondentter interviýerler júrgizetin saýalnamaǵa qatyspaidy. Halyqqa saýalnama júrgizý barysynda respondentti sáikestendirý úshin suralatyn adamnyń JSN-i paidalanylady. Saýalnama aiaqtalǵanda halyq sanaǵynan ótkeni týraly anyqtama beriledi», - deidi ol.
