2021 jyly Qazaqstanǵa turaqty turýǵa niet tanytqan 12 myń qandasymyz úshin qolaily jaǵdai jasalady.
Bul týraly Májilistegi «Nur Otan» partiiasy parlamenttik fraktsiiasynyń keńeitilgen otyrysynda Úkimet basshysy Asqar Mamin aitty, dep habarlaidy "Ult aqparat".
«Qoǵamdaǵy beibitshilik pen kelisimdi nyǵaitý jumysy jalǵasady. 2021 jyly Qazaqstanǵa turaqty turýǵa niet tanytqan 12 myń qandasymyz úshin qolaily jaǵdai jasalyp, odan ary jyl saiyn 2 myń adamǵa arttyrý esebinen 2025 jylǵa qarai 20 myń adamǵa jetkiziledi. «Rýhani jańǵyrý» baǵdarlamasyn júzege asyrý jalǵasady», - dedi Úkimet basshysy «Nur Otan» partiiasynyń «Ózgerister joly: ár azamatqa laiyqty ómir!» Sailaý baǵdarlamasyn oryndaýdyń Jol kartasyn talqylaý barysynda.
Premer-Ministrdiń aitýynsha, 2021 jyly baǵdarlamany júzege asyrýǵa jumyldyrylǵan halyqtyń úlesi keminde 31 paiyzǵa jetip, 2025 jylǵa qarai bul kórsetkish keminde 35 paiyzǵa artady.
«Barlyq dinderdiń ózara qurmeti men teńdigin qoldaýǵa baǵyttalǵan baǵdardy saqtaý maqsatynda jyl saiyn 10 suhbat alańy uiymdastyrylady», - dedi Asqar Mamin.
