2021 جىلى قازاقستانعا تۇراقتى تۇرۋعا نيەت تانىتقان 12 مىڭ قانداسىمىز ٷشٸن قولايلى جاعداي جاسالادى.
بۇل تۋرالى مەجٸلٸستەگٸ «Nur Otan» پارتيياسى پارلامەنتتٸك فراكتسيياسىنىڭ كەڭەيتٸلگەن وتىرىسىندا ٷكٸمەت باسشىسى اسقار مامين ايتتى, دەپ حابارلايدى "ۇلت اقپارات".
«قوعامداعى بەيبٸتشٸلٸك پەن كەلٸسٸمدٸ نىعايتۋ جۇمىسى جالعاسادى. 2021 جىلى قازاقستانعا تۇراقتى تۇرۋعا نيەت تانىتقان 12 مىڭ قانداسىمىز ٷشٸن قولايلى جاعداي جاسالىپ, ودان ارى جىل سايىن 2 مىڭ ادامعا ارتتىرۋ ەسەبٸنەن 2025 جىلعا قاراي 20 مىڭ ادامعا جەتكٸزٸلەدٸ. «رۋحاني جاڭعىرۋ» باعدارلاماسىن جٷزەگە اسىرۋ جالعاسادى», - دەدٸ ٷكٸمەت باسشىسى «Nur Otan» پارتيياسىنىڭ «ٶزگەرٸستەر جولى: ەر ازاماتقا لايىقتى ٶمٸر!» سايلاۋ باعدارلاماسىن ورىنداۋدىڭ جول كارتاسىن تالقىلاۋ بارىسىندا.
پرەمەر-مينيستردٸڭ ايتۋىنشا, 2021 جىلى باعدارلامانى جٷزەگە اسىرۋعا جۇمىلدىرىلعان حالىقتىڭ ٷلەسٸ كەمٸندە 31 پايىزعا جەتٸپ, 2025 جىلعا قاراي بۇل كٶرسەتكٸش كەمٸندە 35 پايىزعا ارتادى.
«بارلىق دٸندەردٸڭ ٶزارا قۇرمەتٸ مەن تەڭدٸگٸن قولداۋعا باعىتتالعان باعداردى ساقتاۋ ماقساتىندا جىل سايىن 10 سۇحبات الاڭى ۇيىمداستىرىلادى», - دەدٸ اسقار مامين.
