Foto: KZgovernment
2025 jyldyń birinshi jartyjyldyǵynda Qazaqstanǵa 7,5 mln-nan astam sheteldik keldi. Bul ótken jylmen salystyrǵanda 600 myń adamǵa kóp, al elimizden shyǵyp ketkenderdiń sanynan 300 myń adamǵa artyq. Bul týraly Úkimet otyrysynda ishki ister ministriniń birinshi orynbasary Baýyrjan Álenov habarlady.
Kelýshilerdiń túgelge derligi, iaǵni 90%-y Táýelsiz memeleketter dostastyǵy elderiniń azamattary. Eń kóbi Ózbekistan (2,8 mln), Qyrǵystan (1,7 mln) jáne Reseiden (1,5 mln).
Búgingi tańda elimizde 212 myń shetel azamaty turaqty tirkelgen. Sońǵy úsh jylda olardyń sany aitarlyqtai kóbeigen – 42%. Eger 2022 jyly olardyń sany 148 myń bolsa, 2025 jyly 212 myńǵa jetti. Osy ózge eldiń azamattarynyń eń kóbi Almaty qalasynda (42 myń), Almaty oblysynda (32 myń) jáne Astana qalasy men Qaraǵandy oblysynda (17 myńnan) turyp jatyr.
Qazirgi tańda 87 memlekettiń azamattary elimizge vizasyz kire alady, bul olardyń saparyn jeńildete túsedi. Odan bólek, 107 eldiń azamattaryna elektrondyq viza qoljetimdi. Sońǵy ýaqytta 9 myńnan astam elektrondy viza berilip, 270 mln teńge jinaldy.
