Biyl Qazaqstanda ońaltý qyzmetteriniń sanyn 800 myńǵa deiin artady. Búgin halyq aldynda esep berý kezdesýinde QR Densaýlyq saqtaý ministri Aleksei Tsoi osylai málim etti, dep habarlaidy QazAqparat.
«Elimizde ońaltý qyzmetin damytýǵa erekshe kóńil bólinedi. Respýblikada 610 meditsinalyq ońaltý uiymy jumys isteidi, onyń ishinde memlekettik - 377, jeke – 233, respýblikalyq – 7. Qazaqstan Respýblikasynyń Tuńǵysh Prezidenti qorynyń bastamasymen 8 jańa ońaltý ortalyǵy ashyldy. Qazirgi ýaqytta meditsinalyq uiymdarda 695 myń múmkindigi shekteýli adam dinamikalyq baqylaýda tur, onyń ishinde 95 myńy – balalar», - dedi ministr Ortalyq kommýnikatsiialar qyzmetinde.
Onyń aitýynsha, bul adamdarǵa 2020 jyly 638 myńnan astam meditsinalyq qyzmet kórsetildi. 2020 jylǵy 1 qańtardan bastap MÁMS júiesin engizýdiń arqasynda ońaltý qyzmetterin qarjylandyrý 2019 jylmen salystyrǵanda 1,2 esege ulǵaidy jáne 55,7 mlrd teńgeni qurady.
«2021 jyly MÁMS júiesine túsetin túsimder esebinen biz ońaltý qyzmetteriniń sanyn 800 myńǵa jetkizýdi, sondai-aq osy qyzmetterdi qarjylandyrýdy 62 mlrd teńgege deiin arttyrýdy josparlap otyrmyz», - dedi Tsoi.
