بيىل قازاقستاندا وڭالتۋ قىزمەتتەرٸنٸڭ سانىن 800 مىڭعا دەيٸن ارتادى. بٷگٸن حالىق الدىندا ەسەپ بەرۋ كەزدەسۋٸندە قر دەنساۋلىق ساقتاۋ مينيسترٸ الەكسەي تسوي وسىلاي مەلٸم ەتتٸ, دەپ حابارلايدى قازاقپارات.
«ەلٸمٸزدە وڭالتۋ قىزمەتٸن دامىتۋعا ەرەكشە كٶڭٸل بٶلٸنەدٸ. رەسپۋبليكادا 610 مەديتسينالىق وڭالتۋ ۇيىمى جۇمىس ٸستەيدٸ, ونىڭ ٸشٸندە مەملەكەتتٸك - 377, جەكە – 233, رەسپۋبليكالىق – 7. قازاقستان رەسپۋبليكاسىنىڭ تۇڭعىش پرەزيدەنتٸ قورىنىڭ باستاماسىمەن 8 جاڭا وڭالتۋ ورتالىعى اشىلدى. قازٸرگٸ ۋاقىتتا مەديتسينالىق ۇيىمداردا 695 مىڭ مٷمكٸندٸگٸ شەكتەۋلٸ ادام ديناميكالىق باقىلاۋدا تۇر, ونىڭ ٸشٸندە 95 مىڭى – بالالار», - دەدٸ مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, بۇل ادامدارعا 2020 جىلى 638 مىڭنان استام مەديتسينالىق قىزمەت كٶرسەتٸلدٸ. 2020 جىلعى 1 قاڭتاردان باستاپ مەمس جٷيەسٸن ەنگٸزۋدٸڭ ارقاسىندا وڭالتۋ قىزمەتتەرٸن قارجىلاندىرۋ 2019 جىلمەن سالىستىرعاندا 1,2 ەسەگە ۇلعايدى جەنە 55,7 ملرد تەڭگەنٸ قۇرادى.
«2021 جىلى مەمس جٷيەسٸنە تٷسەتٸن تٷسٸمدەر ەسەبٸنەن بٸز وڭالتۋ قىزمەتتەرٸنٸڭ سانىن 800 مىڭعا جەتكٸزۋدٸ, سونداي-اق وسى قىزمەتتەردٸ قارجىلاندىرۋدى 62 ملرد تەڭگەگە دەيٸن ارتتىرۋدى جوسپارلاپ وتىرمىز», - دەدٸ تسوي.
