2020 jyly Qazaqstanda ana men balany qoldaýǵa 693 mlrd teńge qarastyrylǵan, dep habarlaidy "Ult aqparat".
«Qazaqstanda ana men balany qoldaý 8 memlekettik járdemaqyny jáne 3 tólemdi qamtidy. Jalpy alǵanda, bul maqsattarǵa 2020 jyly 693 mlrd teńge qarastyrylǵan. Biylǵy 1 naýryzdaǵy jaǵdai boiynsha jalpy somasy 5,3 mlrd teńgege 45 904 adam bala týýǵa bailanysty birjolǵy járdemaqy aldy. Bul maqsatqa 2020 jyly 45,2 mlrd teńge baǵyttalady», - delingen Eńbek jáne halyqty áleýmettik qorǵaý ministrliginiń málimetinde.
Esterińizge sala keteiik, 2020 jyly birinshi, ekinshi, úshinshi balanyń týylýyna beriletin birjolǵy járdemaqy mólsheri 38 ailyq eseptik kórsetkishti (AEK) nemese 100 738 teńgeni quraidy, al tórtinshi jáne odan keiingi balaǵa 63 AEK nemese 167 013 teńge tólenedi.
Jyl basynan beri jalpy somasy 5,8 mlrd teńgege 138,8 myń adam bir jasqa deiingi bala kútimine bailanysty járdemaqy aldy. 2020 jyly atalǵan járdemaqyny tóleýge 39 mlrd teńge baǵyttalady.
Járdemaqynyń bul túri jumys istemeitin ata-analarǵa beriledi. Ol otbasyndaǵy kiristerge qaramastan taǵaiyndalady.
2020 jylǵy 1 naýryzdaǵy jaǵdai boiynsha 37,5 myń adam 14,7 mlrd teńge somasynda Memlekettik áleýmettik saqtandyrý qorynan (MÁSQ) júktilik pen bosanýǵa bailanysty tabysynan aiyrylǵan jaǵdaida tólem aldy. Biyl bul maqsatqa 86,4 mlrd teńge baǵyttaý josparlanǵan.
«Memlekettik áleýmettik saqtandyrý qorynan jumys isteitin ata-analarǵa bir jasqa deiingi bala kútimine bailanysty tólemder 2020 jylǵy 1 naýryzdaǵy jaǵdai boiynsha 234,7 myń adamǵa 15,3 mlrd teńge somasynda tólendi. Osy jyly tólemderdiń jalpy somasy 100,1 mlrd teńgeni quraidy», - delingen vedomstvo habarlamasynda.
Múgedek balalardy tárbielep otyrǵan ata-analar men qamqorshylarǵa beriletin járdemaqy mólsheri 2020 jyly 43 657 teńgeni qurady (1,4 eń tómengi kúnkóris deńgeii). 2020 jylǵy 1 naýryzdaǵy jaǵdai boiynsha 87,727 adam jalpy somasy 7,7 mlrd teńgege osy járdemaqyny aldy. Bul maqsatqa 48,1 mlrd teńge bólindi.
18 jastan asqan bala kezinen birinshi toptaǵy múgedektiń kútimi boiynsha taǵaiyndalatyn jáne tólenetin ai saiynǵy memlekettik járdemaqynyń mólsheri 1,4 eń tómengi kúnkóris deńgeiine teń. 2020 jyly jalpy somasy 1,3 mlrd teńgeni quraityn memlekettik járdemaqyny 14 349 adam aldy. Biyl bul maqsatqa 8,6 mlrd teńge qarastyrylǵan.
2020 jyly «Altyn alqa» jáne «Kúmis alqa» alqalarymen marapattalǵan kópbalaly analarǵa járdemaqy tóleýge 47,5 mlrd teńge bólindi, tólemniń ortasha mólsheri 16 967 teńgeni quraidy . Aǵymdaǵy jylǵy 1 naýryzdaǵy jaǵdai boiynsha atalǵan járdemaqyny 233,8 myń adam 8 mlrd teńge somasynda aldy.
2020 jylǵy qańtar-aqpanda múgedektik boiynsha memlekettik áleýmettik járdemaqylardy tóleýge respýblikalyq biýdjetten 46,3 mlrd teńge, asyraýshysynan airylý jaǵdaiyna bailanysty 12,2 mlrd teńge bólindi. 2020 jylǵy 1 naýryzdaǵy jaǵdai boiynsha múgedektik boiynsha memlekettik áleýmettik járdemaqy alýshylardyń sany 521,4 myń adamdy, asyraýshysynan aiyrylý jaǵdaiynda 165,8 myń adamdy quraidy.
Sonymen qatar, 2020 jylǵy 1 naýryzdaǵy jaǵdai boiynsha respýblikalyq biýdjetten dekret demalysyndaǵy jumys isteitin áielderdiń mindetti zeinetaqy jarnalaryn sýbsidiialaýǵa 434,4 mln teńge aýdaryldy. Bul qarajat MÁSQ-tan bir jasqa deiingi bala kútimine bailanysty áleýmettik tólem alatyn 85 myńǵa jýyq adamnyń jeke zeinetaqy shottaryna tústi.
