Jyl basynan beri Qazaqstandaǵy sý aidyndarynda 85,2 mln shabaq qutqaryldy, dep habarlaidy "Ult aqparat" Ekologiia, geologiia jáne tabiǵi resýrstar ministrligine silteme jasap.
Orman sharýashylyǵy jáne janýarlar dúniesi komitetiniń málimetinshe, 2020 jyldyń basynan bastap sý qoimalarynan, sondai-aq elimizdiń kúrish alqaptarynan qyrylý qaýpi bar 85,2 mln shabaqty qutqaryldy. Bul jumysqa balyq sharýashylyǵy, kúrish ósiretin uiymdardyń ókilderi jáne eriktiler qatysty. Nátijesinde Atyraý oblysynda 56,7 mln balyq, Túrkistan oblysynda – 10,3 mln, Qyzylorda oblysynda – 8,3 mln, basqa óńirlerde – 9,9 mln shabaq qutqaryldy.
Qutqarylǵan balyqtyń ishinde sazan, aqmarqa, móńke, qarǵa, qumai, osman, kókserke, alabuǵa, shortan, tuqy, taban, torta, ońǵaq bar.
Balyq resýrsyn saqtaý boiynsha is-sharalardy ótkizýge 851 adam jáne 153 tehnika jumyldyryldy.
Ihtiologtardyń málimetteri boiynsha Qazaqstanda balyqtyń 100-den astam túri mekendeidi. Olardyń 70-i ónerkásiptik qundylyqqa ie, 18 túri Qazaqstannyń Qyzyl kitabyna engizilgen.
