Qazaqstanda respýblikalyq mańyzy bar 11 myń shaqyrym avtojol aqyly júiege aýysady. Bul týraly QR Premer-Ministriniń orynbasary Roman Skliar málimdedi, dep habarlaidy "Ult aqparat".
«Biyl «Nurly jol» infraqurylymdy damytý baǵdarlamasynyń ekinshi kezeńine kiristik. Ony júzege asyrýǵa 5,5 trln teńge bólý qarastyrylǵan. Biyl birneshe jobany júzege asyrý josparlanǵan, sonyń ishinde 2600 shaqyrym jol paidalanýǵa beriledi. Temir joldy elektrifikatsiialaý jalǵasady. Sonymen birge, respýblikalyq mańyzy bar 11 myń shaqyrym avtojol aqyly qyzmetke aýysyp, bul joldardy biýdjet esebinen kútip-baptaý azaiady. Únemdelgen biýdjet qarajatyn ózge de mańyzdy mańyzdy jobalarǵa baǵyttai alamyz», - dedi Roman Skliar Úkimettiń onlain otyrysynda.
Sonymen birge, spiker Túrkistandaǵy halyqaralyq áýejai men Shymkenttegi jańa jolaýshylar terminaly salynyp bitkenin, Óskemen, Úrjar, Úsharaldaǵy áýejailardy qaita jóndeý bastalǵanyn eske saldy.
«Aitylǵan jobalar eń aldymen óńirlerde jańa jumys oryndaryp qurýǵa múmkindik beredi. Bul - memlekettiń basym mindetteriniń biri», - dedi Roman Skliar.
Aita keteiik, búgingi Úkimet otyrysynda 2020-2025 jyldarǵa arnalǵan «Nurly jol» infraqurylymdy damytý memlekettik baǵdarlamasyn júzege asyrý barysy talqylandy.
