Biyl elimize 22,1 mln tonna munai eksporttalyp, qańtar-sáýir ailarynyń jospary 100% oryndaldy. Bul týraly Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«Biyl tórt aida munai jáne kondensat óndirý kólemi 28,1 mln tonnaǵa jetip, jospar 99,4% oryndaldy. Munai jáne kondensat óndirý kóleminiń esepti aidyń josparynan tómen bolýynyń sebebi – sáýir aiyndaǵy Qarashyǵanaq ken ornyndaǵy jospardan tys jóndeý jumystary», - deidi Nurlan Noǵaev.
Ol munai-gaz salasyndaǵy iri kompaniialardyń kórsetkishine toqtalyp ótti.
«Teńiz jobasynda atalǵan kezeńde 9 mln tonna munai óndirilip, jospar 100,1% oryndaldy. Soltústik Kaspii jobasy – Qashaǵanda munai óndirý kólemi – 4,9 mln tonna boldy, iaǵni qańtar-sáýir ailarynyń jospary 100% oryndaldy. Qarashyǵanaq jobasynyń kórsetkishi 4 mln tonnany qurap, jospar 96,3% oryndaldy. Osy kezeń ishinde 22,1 mln tonna munai eksporttalyp, biylǵy qańtar-sáýir ailarynyń jospary 100% atqaryldy», - deidi ministr.
