Biyl elimizdiń astyqty qansha kólemde eksportqa jiberetini belgili boldy, dep habarlaidy QazAqparat.
«Biyl josparǵa sai 6-6,5 mln tonna astyqty eksporttaýǵa jaǵdaiymyz bar. Buǵan deiin aitqanymdai, búginde elimiz boiynsha 16 mln tonna astyq bastyrylsa, onyń 7 mln-y ishki naryqty qamtamasyz etedi. Astyq eksporty burynǵysynsha, Ortalyq Aziia, Aýǵanstan, Iran eline jasalady. Sonymen qatar qatty dándi daqyldardy keibir Eýropa elderine eksporttaýdy josparlap otyrmyz», - dedi QR Aýyl sharýashylyǵy ministriniń birinshi orynbasary Aidarbek Saparov OKQ-de ótken baspasóz máslihatynda.
Odan bólek, vitse-ministr biyl qýańshylyq jailaǵan Mańǵystaý fermerlerin jemshóppen qamtýǵa qatysty pikir bildirdi.
«Jospar boiynsha Mańǵystaý oblysyna 77 myń tonna jemshóp jinaý kerek, búginde onyń 65 paiyzy daiyndaldy. Ol úshin memlekettik biýdjetten 1,9 mlrd teńge qarjy bólingen. Qazirgi ýaqytta basqa oblystarmen shart jasasyp, jemshóp jetkizilip jatyr. Jemshóppen qamtýdy 100 paiyz qamtamasyz etemiz dep oilaimyn», - deidi ol.
