بيىل ەلٸمٸزدٸڭ استىقتى قانشا كٶلەمدە ەكسپورتقا جٸبەرەتٸنٸ بەلگٸلٸ بولدى, دەپ حابارلايدى قازاقپارات.
«بيىل جوسپارعا ساي 6-6,5 ملن توننا استىقتى ەكسپورتتاۋعا جاعدايىمىز بار. بۇعان دەيٸن ايتقانىمداي, بٷگٸندە ەلٸمٸز بويىنشا 16 ملن توننا استىق باستىرىلسا, ونىڭ 7 ملن-ى ٸشكٸ نارىقتى قامتاماسىز ەتەدٸ. استىق ەكسپورتى بۇرىنعىسىنشا, ورتالىق ازييا, اۋعانستان, يران ەلٸنە جاسالادى. سونىمەن قاتار قاتتى دەندٸ داقىلداردى كەيبٸر ەۋروپا ەلدەرٸنە ەكسپورتتاۋدى جوسپارلاپ وتىرمىز», - دەدٸ قر اۋىل شارۋاشىلىعى مينيسترٸنٸڭ بٸرٸنشٸ ورىنباسارى ايداربەك ساپاروۆ وكق-دە ٶتكەن باسپاسٶز مەسليحاتىندا.
ودان بٶلەك, ۆيتسە-مينيستر بيىل قۋاڭشىلىق جايلاعان ماڭعىستاۋ فەرمەرلەرٸن جەمشٶپپەن قامتۋعا قاتىستى پٸكٸر بٸلدٸردٸ.
«جوسپار بويىنشا ماڭعىستاۋ وبلىسىنا 77 مىڭ توننا جەمشٶپ جيناۋ كەرەك, بٷگٸندە ونىڭ 65 پايىزى دايىندالدى. ول ٷشٸن مەملەكەتتٸك بيۋدجەتتەن 1,9 ملرد تەڭگە قارجى بٶلٸنگەن. قازٸرگٸ ۋاقىتتا باسقا وبلىستارمەن شارت جاساسىپ, جەمشٶپ جەتكٸزٸلٸپ جاتىر. جەمشٶپپەن قامتۋدى 100 پايىز قامتاماسىز ەتەمٸز دەپ ويلايمىن», - دەيدٸ ول.
