2021 jylǵy qańtarda 52,4 myń adam Nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasyna qatysty, dep habarlaidy "Ult aqparat".
Osy oraida 49,3 myń adam jumysqa ornalastyryldy, onyń 13,8 myńy – turaqty jumysqa.
«Sýbsidiialanatyn jumys oryndaryna 35,7 myń adam jumysqa ornalastyryldy. Onyń ishinde: áleýmettik jumys oryndaryna – 3,7 myń, jastar praktikasyna – 1,4 myń; qoǵamdyq jumystarǵa – 30,6 myń adam», - delingen Eńbek ministrliginiń málimetinde.
Esterińizge sala keteiik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy. Jappai kásipkerlikti damytýǵa 12,7 myń mikrokredit jáne jańa biznes-ideialardy iske asyrýǵa 44,9 myń memlekettik qaitarymsyz grant berildi. Qysqa merzimdi oqytý kýrstaryna 18,7 myń adam jiberildi, al TjKB uiymdarynda oqytýmen 18,4 myń adam qamtyldy.
Budan basqa, eńbek resýrstarynyń utqyrlyǵyn arttyrý aiasynda jumys kúshi artyq óńirlerden quramynda 5,8 myń adam bar 1,8 myń otbasy qonys aýdardy.
