Qazaqstanda qasqyr men shibóri sanyn retteý limiti bekitildi. Bul jaiynda QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet Facebook-tegi paraqshasynda jazdy, dep habarlaidy "Ult aqparat".
«Jyl saiyn biologiialyq dáiektemege arnalǵan memlekettik ekologiialyq saraptama jasaý boiynsha Qazaqstan Respýblikasy aýmaǵyndaǵy qasqyr men shibóri sanyn retteý limiti bekitiledi. Retteýge ruqsat berý memlekettik qyzmet sanalady jáne elektrondy portal arqyly oblystyq orman sharýashylyǵy jáne janýarlar álemi inspektsiiasymen kórsetiledi. Árbir ańshy elektrondy portal arqyly onlain ótinim bere alady. Qyzmet ataýy: «Sany retteý jatatyn ań túrlerin atýǵa ruqsat berý», - dep atap ótedi ol.
Onyń atap ótýinshe, internet bolmaǵan jaǵdaida bul qyzmetti kez kelgen Halyqqa qyzmet kórsetý ortalyǵynan alýǵa bolady.
«Qasyr men shibóri halyqtyń densaýlyǵyn qorǵaý, aýyl sharýashylyǵy jáne ózge de úi janýarlaryn aýrýlardan saqtap qalý, qorshaǵan ortaǵa shyǵyn keltirmeý, aýyl sharýashylyǵy qyzmetine aitarlyqtai shyǵyn kelý qaýpin boldyrmaý maqsattynda sany retteý jatatyn ań túrleriniń tizimine kiredi. 2020 jyly respýblika boiynsha jalpy 4 824 qasqyr men 11 733 shibóri atýǵa ruqsat beriledi», - dedi Sáken Dildahmet.
