قازاقستاندا قاسقىر مەن شيبٶرٸ سانىن رەتتەۋ ليميتٸ بەكٸتٸلدٸ. بۇل جايىندا قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ باسپاسٶز حاتشىسى سەكەن دٸلداحمەت Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
«جىل سايىن بيولوگييالىق دەيەكتەمەگە ارنالعان مەملەكەتتٸك ەكولوگييالىق ساراپتاما جاساۋ بويىنشا قازاقستان رەسپۋبليكاسى اۋماعىنداعى قاسقىر مەن شيبٶرٸ سانىن رەتتەۋ ليميتٸ بەكٸتٸلەدٸ. رەتتەۋگە رۇقسات بەرۋ مەملەكەتتٸك قىزمەت سانالادى جەنە ەلەكتروندى پورتال ارقىلى وبلىستىق ورمان شارۋاشىلىعى جەنە جانۋارلار ەلەمٸ ينسپەكتسيياسىمەن كٶرسەتٸلەدٸ. ەربٸر اڭشى ەلەكتروندى پورتال ارقىلى ونلاين ٶتٸنٸم بەرە الادى. قىزمەت اتاۋى: «سانى رەتتەۋ جاتاتىن اڭ تٷرلەرٸن اتۋعا رۇقسات بەرۋ», - دەپ اتاپ ٶتەدٸ ول.
ونىڭ اتاپ ٶتۋٸنشە, ينتەرنەت بولماعان جاعدايدا بۇل قىزمەتتٸ كەز كەلگەن حالىققا قىزمەت كٶرسەتۋ ورتالىعىنان الۋعا بولادى.
«قاسىر مەن شيبٶرٸ حالىقتىڭ دەنساۋلىعىن قورعاۋ, اۋىل شارۋاشىلىعى جەنە ٶزگە دە ٷي جانۋارلارىن اۋرۋلاردان ساقتاپ قالۋ, قورشاعان ورتاعا شىعىن كەلتٸرمەۋ, اۋىل شارۋاشىلىعى قىزمەتٸنە ايتارلىقتاي شىعىن كەلۋ قاۋپٸن بولدىرماۋ ماقساتتىندا سانى رەتتەۋ جاتاتىن اڭ تٷرلەرٸنٸڭ تٸزٸمٸنە كٸرەدٸ. 2020 جىلى رەسپۋبليكا بويىنشا جالپى 4 824 قاسقىر مەن 11 733 شيبٶرٸ اتۋعا رۇقسات بەرٸلەدٸ», - دەدٸ سەكەن دٸلداحمەت.
