S. Seifýllin atyndaǵy Qazaq agrotehnikalyq ýniversitetiniń professory, ekonomika ǵylymdarynyń kandidaty Qairat Bodaýhan biyl qandastarǵa qansha kvota bólingenin aityp berdi, dep habarlaidy "Ult aqparat".
«Halyqtyń kóshi-qony týraly» QR Zańyna sáikes jergilikti atqarýshy organdar Halyqtyń kóshi-qony máseleleri jónindegi ýákiletti organǵa aldaǵy jylǵa oralmandardy qabyldaýdyń óńirlik kvotalaryn qalyptastyrý jóninde usynystar engizedi. Osylaisha biyl 7 oblysqa 1378 etnikalyq qazaqqa óńirlik kvota quryldy (2019 jyly - 2 331 adam bolǵan)», - dedi Qairat Bodaýhan «Otandastar qory» KEAQ janyndaǵy qoǵamdyq komissiianyń otyrysynda.
Onyń aitýynsha, Aqmola oblysynda – 258, Pavlodar oblysynda – 500, Shyǵys Qazaqstan oblysynda – 150, Soltústik Qazaqstan oblysynda – 120 jáne Qostanai oblysynda – 350 kvota bólingen.
«Al, Atyraý jáne Batys Qazaqstan oblystary múldem ótinim bermegen. 2017 jyldan bastap, kvota otbasy sanyna emes, adam sanyna qarai beriledi», - dedi Q. Bodaýhan.
