Biyl elordada Alash arystaryna eskertkish ornatý josparlanǵan. Bul jaiynda Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«Nur-Sultan qalasy ákimdiginiń málimetine sáikes, Turan dańǵyly men Syǵanaq kósheleriniń qiylysyndaǵy alleiaǵa «Alash» ataýyn berý máselesi aldaǵy ýaqytta qalalyq onomastika komissiiasynyń kezekti otyrysynda talqylanady. Sonymen birge astana ákimshiligi osy jyly Alash arystaryna eskertkish ornatýdy josparlap otyr. Qazirgi ýaqytta eskerkishti ornalastyrý nusqalary qarastyrylýda. Jalpy Alash qairatkerleriniń esimin ulyqtaý jumystary jalǵasýda jáne Úkimettiń turaqty baqylaýynda», - dedi vitse-premer saýalǵa bergen jaýabynda.
Jalpy, búginde respýblika deńgeiinde Alash qairatkerleriniń esimderi 200-den asa bilim jáne mádeniet mekemelerine berilgen. Almaty qalasynda, Atyraý, Aqmola, Aqtóbe, Mańǵystaý, Qaraǵandy, Pavlodar, Qostanai, Túrkistan, Shyǵys Qazaqstan oblystarynda Alash arystarynyń esimderimen eldi mekender, aýdandar, alańdar, kósheler men túrli nysandar atalyp, olarǵa arnalǵan eskertkishter ornatylǵan.
