بيىل ەلوردادا الاش ارىستارىنا ەسكەرتكٸش ورناتۋ جوسپارلانعان. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى "ۇلت اقپارات".
«نۇر-سۇلتان قالاسى ەكٸمدٸگٸنٸڭ مەلٸمەتٸنە سەيكەس, تۇران داڭعىلى مەن سىعاناق كٶشەلەرٸنٸڭ قيىلىسىنداعى اللەياعا «الاش» اتاۋىن بەرۋ مەسەلەسٸ الداعى ۋاقىتتا قالالىق ونوماستيكا كوميسسيياسىنىڭ كەزەكتٸ وتىرىسىندا تالقىلانادى. سونىمەن بٸرگە استانا ەكٸمشٸلٸگٸ وسى جىلى الاش ارىستارىنا ەسكەرتكٸش ورناتۋدى جوسپارلاپ وتىر. قازٸرگٸ ۋاقىتتا ەسكەركٸشتٸ ورنالاستىرۋ نۇسقالارى قاراستىرىلۋدا. جالپى الاش قايراتكەرلەرٸنٸڭ ەسٸمٸن ۇلىقتاۋ جۇمىستارى جالعاسۋدا جەنە ٷكٸمەتتٸڭ تۇراقتى باقىلاۋىندا», - دەدٸ ۆيتسە-پرەمەر ساۋالعا بەرگەن جاۋابىندا.
جالپى, بٷگٸندە رەسپۋبليكا دەڭگەيٸندە الاش قايراتكەرلەرٸنٸڭ ەسٸمدەرٸ 200-دەن اسا بٸلٸم جەنە مەدەنيەت مەكەمەلەرٸنە بەرٸلگەن. الماتى قالاسىندا, اتىراۋ, اقمولا, اقتٶبە, ماڭعىستاۋ, قاراعاندى, پاۆلودار, قوستاناي, تٷركٸستان, شىعىس قازاقستان وبلىستارىندا الاش ارىستارىنىڭ ەسٸمدەرٸمەن ەلدٸ مەكەندەر, اۋداندار, الاڭدار, كٶشەلەر مەن تٷرلٸ نىساندار اتالىپ, ولارعا ارنالعان ەسكەرتكٸشتەر ورناتىلعان.
