Qarjy monitoringi komitetinde «kóleńkeli» ekonomikamen kúres boiynsha 2020 jylǵy 9 aiyndaǵy jumys qorytyndylandy, dep habarlaidy "Ult aqparat".
Memleket basshysynyń ekonomikalyq tergeý qyzmetin qaita baǵyttaý jónindegi tapsyrmasyn iske asyrý sheńberinde jedel-aldyn alý sharalarynyń kesheni uiymdastyryldy.
Prokýratýra jáne ulttyq qaýipsizdik organdarymen birlese otyryp, shot-faktýralardy jalǵan jazyp berý men aqsha qarajatyn qylmystyq jolmen qolma-qol aqshaǵa ainaldyrýmen kúreske baǵyttalǵan «STOP-OBNAL» jedel-aldyn alý sharasy júzege asyrylýda.
Taldaý arqyly jalǵan shot-faktýralardy jazyp berý men kriminaldyq qolma-qol aqshamen ainalysatyn 60-tan astam yqtimal qylmystyq top anyqtaldy.
Olar 1 200-den astam baqylanatyn kompaniia qurdy, olardyń qarjylyq ainalymy 2 trillion teńgeden asty. Sońǵy bes jylda alǵash ret qolma-qol aqshany alý deńgeii 39% azaiǵanyn atap ótken jón.
Jalpy, uiymdasqan qylmystyq topty qurý jáne oǵan qatysý faktileri boiynsha 47 qylmystyq is qozǵaldy.
Sonymen birge, memlekettik satyp alý jáne memlekettik baǵdarlamalardy iske asyrý sheńberinde biýdjet qarajatyn jymqyrý faktilerin anyqtaýǵa baǵyttalǵan «Qazyna» jedel-aldyn alý sharasy ótkilizýde.
Jyldyń basynan biýdjettik jáne kvazimemlekettik qarajatty jymqyrý belgileri bar 200-den astam syzba anyqtaldy. Olar biýdjetten 360 mlrd teńgeden astam qarajatty aýdarǵan.
