Biyl elimizde avtobýstardy jańartýǵa 10 mlrd teńge bólinedi, dep habarlaidy QR IIDM baspasóz qyzmeti.
Ministrliktiń málimetinshe, qazirgi ýaqytta elimiz boiynsha qalalyq avtobýs baǵyttarynda shamamen 10,5 myńdai avtobýs júr. Olardyń 43 paiyzy iaǵni 4,5 myńdai avtobýstyń shyǵarylǵanyna 7 jyldan asyp ketken.
«Óńirlerde avtobýs parkterin jańarýdy qoldaý maqsatynda 2018-2019 jyldary jeńildikpen kredit berý baǵdarlamasy boiynsha respýblikalyq biýdjetten 33,5 mlrd teńge bólindi. Bul qarajatqa óńirlerde Qazaqstanda óndirilgen 693 avtobýs satyp alyndy. Al biyl bul maqsatqa respýblikalyq biýdjetten 10 mlrd teńge qarajat bólý maquldandy. Oǵan óńirler 1 370 avtobýs satyp alýdy josparlap otyr», delingen habarlamada.
2020 jyldan bastap áleýmettik mańyzdy baǵyttarda qyzmet etetin tasymaldaýshylar qosymsha qun salyǵyn tóleýden 3 jylǵa bosatylady. Bul sharalar jolaýshylarǵa kórsetiletin qyzmet sapasyn arttyrýǵa jáne otandyq zaýyt óndirýshilerdi qoldaýǵa baǵyttalǵan.
