Biyl elge qonys aýdarǵan 7 myńǵa jýyq etnikalyq qazaq qandas mártebesin aldy

2021 jyldyń basynan beri 7 myńǵa jýyq etnikalyq qazaq qandas mártebesin aldy, dep habarlaidy "Ult aqparat".

1 maýsymdaǵy málimetke sensek, 6 935 adam tarihi otanymen tabysyp, qandas mártebesin alǵan. Jalpy 1991 jyldan beri respýblikaǵa 1 mln 77,3 myń etnikalyq qazaq oraldy. 

Qazaqstanǵa kelgen qandastardyń jartysynan kóbi (76,3%) Ózbekstannan, 10,4% – Qytaidan, 6,2% – Túrikmenstannan, 2,7% – Mońǵoliiadan jáne 4,4% basqa elderden.

Kelgen etnikalyq qazaqtar negizinen Almaty (30,5%), Túrkistan (15%), Mańǵystaý (17,7%) jáne Jambyl (8%) oblystaryna, sondai-aq Shymkent (11%) qalasyna qonystandy.

1 maýsymdaǵy jaǵdai boiynsha eńbekke qabiletti jastaǵy etnikalyq qonys aýdarýshylar úlesi - 56,5%. eńbekke qabiletti jastan kishiler - 24% jáne zeinetkerler - 19,5% quraidy.

Eńbekke qabiletti jastaǵy kandidattardyń ishinen bilim deńeii boiynsha 11,3% joǵary bilimdi, 39,5% orta kásibi bilimdi, 45,5% jalpy orta bilimdi jáne 3,7% bilimi joq.