Búgin Aqparat jáne qoǵamdyq damý ministri Aida Balaevanyń tóraǵalyǵymen úkimettik emes uiymdarǵa syilyq berý jónindegi konkýrstyq komissiianyń otyrysy ótti, dep habarlaidy "Ult aqparat".
Konkýrs komissiiaǵa Parlament Senatynyń depýtattary B.Jumaǵulov, D. Nurjigit, «Qazaqstannyń Azamattyq Aliansy» ZTB prezidenti jáne kommertsiialyq emes, korporativtik jáne biznes sektorynyń ókilderi qatysty.
«Úkimettik emes uiymdarǵa arnalǵan syilyq - 2017 jyldan bastap memleket tarapynan kórsetiletin qoldaý tetigi. Jyl saiyn bul syilyq respýblikalyq, salalyq jáne óńirlik deńgeide áleýmettik máselelerdi sheshýge úles qosqan uiymdarǵa 15 baǵyt boiynsha beriledi. Osy jyldar ishinde syilyqty 185 úkimettik emes uiym aldy», - dedi jiynda ministr Aida Balaeva.
Konkýrstyq komissiianyń otyrysyna birinshi kezeńde azamattyq qoǵam ókilderi, BAQ, qoǵam qairatkerlerinen qurylǵan jumys tobynyń 63 táýelsiz sarapshysy qaraǵan 109 ótinim boiynsha aldyn ala baǵalaý qorytyndysy shyǵaryldy.
Nátijesinde konkýrstyq komissiia músheleri syilyqty 38 jeńimpazǵa berý týraly sheshimdi qoldady. Olardyń esimi 27 qarashada ótetin IX Azamattyq forýmnyń jabylýynda aitylady.
Sondai-aq, Aida Balaeva syilyq berýdiń mehanizmin jetildirý, irikteýdiń naqty kriteriilerin anyqtaý qajettigin atap ótti.
