Biyl egis jumystary kezinde sý az bolýy múmkin. Bul týraly ortalyq kommýnikatsiialar qyzmetinde ótken kóktemgi egis jumystaryna daiyndyq týraly brifingide aityldy, dep habarlaidy QazAqparat.
«Búgingi Úkimet otyrysynda QR Aýyl sharýashylyǵy ministri atap ótkendei, kóktemgi egis jumystaryna jalpy 116,8 mlrd teńge bólindi. Onyń ishinde «Agrarlyq nesie korporatsiiasy» boiynsha 70 mlrd teńge, «Aýyl sharýashylyǵyn qarjylai qoldaý qory» tarapynan 1,8 mlrd. teńge qarastyrylǵan», - deidi QR AShM Ósimdik sharýashylyǵy ónimderin óndirý jáne qaita óńdeý departamenti melioratsiia basqarmasynyń basshysy Medet Jádigeruly.
Onyń aitýynsha, biyl egis jumystary kezinde sý az bolýy múmkin.
«Osyǵan bailanysty qaýiptiń aldyn alý maqsatynda biyl aqpan aiynda Ekologiia ministrliginiń bastaýymen oblys ákimdikteri Aýyl sharýashylyǵy ministrligi, sý sharýashylyǵy uiymdary jáne aýyl sharýashylyǵy taýar óndirýshileriniń qatysýymen Ońtústik óńirde birqatar jinalys ótkizildi. Osy jinalystardyń qorytyndysy boiynsha sý sharýashylyǵy uiymdaryna biylǵy sýarý kezeńine daiyndyq úshin sýarý júielerin mamyr aiyna deiingi ýaqytta aiaqtaý tapsyryldy. Sýarý, sý berýdi qatań túrde saqtaýdy jáne aýyl sharýashylyǵy taýar óndirýshilerine sýdy kóp talap etetin daqyldardy qysqartý boiynsha usynymdar berildi. Sonymen qatar, qazirgi kezde Ekologiia ministrligi tarapynan sý qoimalaryna sý jinaý jumysy jalǵasyp jatyr», - deidi ol.
