بيىل ەگٸس جۇمىستارى كەزٸندە سۋ از بولۋى مٷمكٸن. بۇل تۋرالى ورتالىق كوممۋنيكاتسييالار قىزمەتٸندە ٶتكەن كٶكتەمگٸ ەگٸس جۇمىستارىنا دايىندىق تۋرالى بريفينگٸدە ايتىلدى, دەپ حابارلايدى قازاقپارات.
«بٷگٸنگٸ ٷكٸمەت وتىرىسىندا قر اۋىل شارۋاشىلىعى مينيسترٸ اتاپ ٶتكەندەي, كٶكتەمگٸ ەگٸس جۇمىستارىنا جالپى 116,8 ملرد تەڭگە بٶلٸندٸ. ونىڭ ٸشٸندە «اگرارلىق نەسيە كورپوراتسيياسى» بويىنشا 70 ملرد تەڭگە, «اۋىل شارۋاشىلىعىن قارجىلاي قولداۋ قورى» تاراپىنان 1,8 ملرد. تەڭگە قاراستىرىلعان», - دەيدٸ قر اشم ٶسٸمدٸك شارۋاشىلىعى ٶنٸمدەرٸن ٶندٸرۋ جەنە قايتا ٶڭدەۋ دەپارتامەنتٸ مەليوراتسييا باسقارماسىنىڭ باسشىسى مەدەت جەدٸگەرۇلى.
ونىڭ ايتۋىنشا, بيىل ەگٸس جۇمىستارى كەزٸندە سۋ از بولۋى مٷمكٸن.
«وسىعان بايلانىستى قاۋٸپتٸڭ الدىن الۋ ماقساتىندا بيىل اقپان ايىندا ەكولوگييا مينيسترلٸگٸنٸڭ باستاۋىمەن وبلىس ەكٸمدٸكتەرٸ اۋىل شارۋاشىلىعى مينيسترلٸگٸ, سۋ شارۋاشىلىعى ۇيىمدارى جەنە اۋىل شارۋاشىلىعى تاۋار ٶندٸرۋشٸلەرٸنٸڭ قاتىسۋىمەن وڭتٷستٸك ٶڭٸردە بٸرقاتار جينالىس ٶتكٸزٸلدٸ. وسى جينالىستاردىڭ قورىتىندىسى بويىنشا سۋ شارۋاشىلىعى ۇيىمدارىنا بيىلعى سۋارۋ كەزەڭٸنە دايىندىق ٷشٸن سۋارۋ جٷيەلەرٸن مامىر ايىنا دەيٸنگٸ ۋاقىتتا اياقتاۋ تاپسىرىلدى. سۋارۋ, سۋ بەرۋدٸ قاتاڭ تٷردە ساقتاۋدى جەنە اۋىل شارۋاشىلىعى تاۋار ٶندٸرۋشٸلەرٸنە سۋدى كٶپ تالاپ ەتەتٸن داقىلداردى قىسقارتۋ بويىنشا ۇسىنىمدار بەرٸلدٸ. سونىمەن قاتار, قازٸرگٸ كەزدە ەكولوگييا مينيسترلٸگٸ تاراپىنان سۋ قويمالارىنا سۋ جيناۋ جۇمىسى جالعاسىپ جاتىر», - دەيدٸ ول.
